«Բարսելոնան» մտադիր է 300 մլն եվրո աշխատել ամառային տրանսֆերներից
«Բարսելոնան» հուսով է, որ ամռանը ֆուտբոլիստների վաճառքից կստանա 250-300 մլն եվրո: Ինչպես հաղորդում է ESPN-ը, ստացված եկամուտները կատալոնական ակումբը ցանկանում է ներդնել նոր տրանսֆերների մեջ:
Ամռանը թիմը մեծ գումարների դիմաց կարող են լքել Ֆիլիպե Կոուտինիոն, Սամուել Ումտիտին և Իվան Ռակիտիչը: Թիմից կհեռանան նաև այն ֆուտբոլիստները, որոնց Էրնեստո Վալվերդեն չի վստահում:
Հիշեցնենք, որ «Բարսելոնան» արդեն ստորագրել է «Այաքսի» կիսապաշտպան Ֆրենկի դե Յոնգին 75 մլն եվրոյի դիմաց:
Ինչպես հաղորդում է աղբյուրը, կատալոնացիները դիտարկում են Մաթեյս դե Լիգտին, Լուկա Յովիչին և Անտուան Գրիզմանին ստորագրելու տարբերակները:
Պատրաստեց Անի Գաբուզյանը
