Արցախի պողոտայում ավտոմեքենաներ են բախվել. կա 4 տուժող
Մարտի 3-ին, ժամը 15:42-ին «911» ծառայությանն ահազանգ է ստացվել, որ Երևան քաղաքի Էրեբունու փողոցից դեպի Արցախի փողոց տանող ավտոճանապարհին տեղի է ունեցել ՃՏՊ՝ բախվել են ավտոմեքենաներ: Պատահարի հետևանքով կան տուժածներ, առկա է վառելիքի արտահոսք. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Արցախի պողոտայում՝ «Տուն Դեպո» առևտրի կենտրոնի մոտակայքում, բախվել են «Toyota Altezza» և «Opel Zafira» մակնիշների ավտոմեքենաները:
Մինչ փրկարարների՝ կանչի վայր հասնելը տուժածներ՝ Հ. Հ.-ն (ծնված 1992 թ.), Է. Բ.-ն (ծնված 1992 թ.), Է. Բ.-ն (ծնված 1995 թ.) և Հ. Ս.-ն ( ծնված 1976 թ.) հոսպիտալացվել են Էրեբունի ԲԿ, որտեղ բժիշկները Հ. Հ.-ի և Հ. Ս.-ի առողջական վիճակը գնահատել են կայուն ծանր, Է. Բ.-ինը (ծնված 1995 թ.)՝ բավարար, իսկ Է. Բ.-ն (ծնված 1992 թ.), ստանալով համապատասխան բուժօգնություն, դուրս է գրվել:
Փրկարարները փակել են «Toyota Altezza» մակնիշի ավտոմեքենայի գազի բալոնի փականը:
