Բելգիայում շուրջ 12 հազար սովորողներ են մասնակցել կլիմայի փոփոխման դեմ դասադուլին
Բելգիայի տարբեր քաղաքներում միջնակարգ դպրոցների եւ բարձրագույն ուսումնական հաստատությունների շուրջ 12 հազար սովորողներ են փետրվարի 28-ին մասնակցել դպրոցական դասադուլին եւ ութերորդ «Հանուն կլիմայի երթին»: Այս մասին հայտնել է Belga գործակալությունը՝ վկայակոչելով ոստիկանության տվյալները:
«Աշխարհը վերստին կանաչ դարձրե՛ք» կարգախոսի ներքո երիտասարդության ցույցեր են տեղի ունեցել Բրյուսելում, Մեխելենում, Դինանում, Ուիում եւ Անտվերպենում:
Դպրոցականների առավել արմատական պահանջների թվում են բոլոր ատոմակայանների փակումը, ածխածնային վառելիքով աշխատող ավտոմոբիլների արգելումը, էներգետիկայի շտապ փոխադրումն այլընտրանքային աղբյուրների, տարեկան 15 տոկոսով արտանետումների կրճատումը:
Հանրահավաքի մասնակիցները տանում էին «Մենք «Բ» մոլորակ չունենք», «Մենք չենք ցանկանում ապրել ծովի հատակին» կարգախոսներ, հաղորդել է ՏԱՍՍ-ը:
