ՊՍԺ-ն հետաքրքրվում է Ռակիտիչով և Բենզեմայով

Ինչպես հաղորդում է Don Balon-ը, ՊՍԺ-ն ցանկանում է ձեռք բերել «Բարսելոնայի» կիսապաշտպան Իվան Ռակիտիչին և «Ռեալի» հարձակվող Քարիմ Բենզեմային: Ըստ պարբերականի տվյալների՝ տրանսֆերները փարիզյան ակումբի համար կարող են արժենալ 90 մլն և 70 մլն եվրո՝ համապատասխանաբար:

Ռակիտիչի գործող պայմանագիրը «Բարսելոնայի» հետ նախատեսված է մինչև 2021թ. հունիսի 30-ը: Իսպանական Պրիմերայի ընթացիկ մրցաշրջանում 30-ամյա խորվաթը խփել է 2 գնդակ և կատարել է 1 փոխանցում՝ անցկացրած 20 խաղերում:

Բենզեման 21 խաղերում դարձել է 9 գոլի և 1 փոխանցման հեղինակ: Ֆրանսիացի հարձակվողը գրավում է «Ռեալի» պատմության լավագույն ռմբարկուների ցուցակի 6-րդ տեղը. նրա ակտիվում գրանցվել է 209 գոլ: Բենզեմայից շատ «Ռեալի» կազմում խփել են միայն Ֆերենց Պուշկաշը (242), Սանտիլիանան (290), Ալֆրեդո դի Ստեֆանոն (308), Ռաուլը (323) և Կրիշտիանու Ռոնալդուն (450):

Պատրաստեց Անի Գաբուզյանը