Դեկտեմբեր 27, 2018

ՀՀ բնապահպանության նախարարի պաշտոնակատար Էրիկ Գրիգորյանն այսօր կառավարության նիստից հետո լրագրողների հետ զրույցում անդրադարձավ Ջերմուկի ավագանու ընդունած որոշմանը։ Ըստ նրա՝ մինչև Ջերմուկը նման որոշում Նոյեմբերյանի ավագանին է ընդունել։ «Իրավաբանական հարց է, կուսումնասիրենք»,- ասաց նա։

Ավստրիայի նախագահ Ալեքսանդր Վան դեր Բելենն անհրաժեշտ է համարում Եվրոպայում ապաստանի տրամադրման միասնական համակարգի ստեղծումը:

Կառավարությունը ընդունեց 2019 թվականը կովկասյան ընձառյուծի տարի հռչակելու մասին զեկույց, որը ներկայացրեց Բնապահպանության նախարարի պաշտոնակատար Էրիկ Գրիգորյանը:

«Բաց հասարակության հիմնադրամներ-Հայաստան» հիմնադրամի գործադիր տնօրեն Լարիսա Մինասյանն այսօր լրագրողների հետ հանդիպմանն ասաց, որ քաղաքացիական կրթության բաղադրիչը զավթված էր իշխանությունների կողմից. «Քաղաքացիական կրթության չլինելը դարձել էր քաղաքականություն։ Մենք և այլ կազմակերպություններ փորձում էինք ալտերնատիվ բաներ անել, թվում էր՝ քիչ ենք կարողանում, բայց հեղափոխությունը եկավ ցույց տալու, որ ինչ_որ բաներ կարողացել ենք»։

ՊԵԿ նախագահ Դավիթ Անանյանը շատ հանգիստ է վերաբերվում շոու-բիզնեսի ներկայացուցիչների հայտարարություններին, որ կարող են թաքցնել իրենց եկամուտները, և ՊԵԿ-ը չի կարողանա հարկել իրենց։ Այսօր կառավարության նիստից հետո Դ.Անանյանը նշեց, որ, եթե ՊԵԿ-ը չի կարող վերահսկել նրանց, մի՞թե իրենք իրենց էլ չեն կարող վերահսկել, անպայման մտածում են, որ մի բան էն չե՞ն անելու։

Արցախի Հանրապետության պետական նախարար Գրիգորի Մարտիրոսյանը դեկտեմբերի 27-ին հանդես է եկել տարեվերջյան ամփոփիչ ասուլիսով։

Կարելի է միայն պատկերացնել՝ ինչ եզրակացություններ է անում այս ամենին նայելով՝ որևէ պոտենցիալ ներդրող, ընդ որում՝ ցանկացած ոլորտում, ու հասկանալ, թե ինչո՞ւ են Հայաստանում ներդրումները շարունակում անկում ապրել:

Արցախի Հանրապետությունում 2018 թ. հունվար-սեպտեմբեր ամիսներին ՀՆԱ-ն կազմել է 197.6 մլրդ դրամ՝ ապահովելով 12,2% իրական աճ: ՀՆԱ-ի արձանագրած 12,2% հավելաճի տեմպի 6.7 տոկոսային կետն ապահովել է արդյունաբերությունը (որի ավելի քան 5 տոկոսային կետը՝ հանքարդյունաբերությունը, մոտ 1.7 տոկոսային կետը՝ էներգետիկան), 4.3 տոկոսային կետը՝ առևտուրը և ծառայությունները:

Երկաթուղու 10-ամյա աշխատանքի ընթացքում հարկային մարմինների կողմից ընկերությունում անցկացրած ստուգումների ընդհանուր տևողությունը կազմել է 3 տարի: 2018 թվականի արդյունքներով պետական բյուջե վճարվող հարկերի չափը գերազացելու է 4 մլրդ դրամ, այն դեպքում, երբ 2008 թվականին ծավալը կազմել էր մոտ 1,6 մլրդ դրամ: Այսպիսով, 10 տարվա ընթացքում Հարավկովկասյան երկաթուղու տարեկան հարկային վճարներն աճել են ավելի քան 2,5 անգամ:

Դեկտեմբերի 26-ին Հայաստանի դեմոկրատական կուսակցության կենտրոնական գրասենյակում կայացավ «Ի պաշտպանություն Արցախի հանրապետության» և Մտավորականների խորհրդի համատեղ նիստ:

Ընթացիկ տարվա ընթացքում  ՀՀ կառավարության նախաձեռնությամբ, ՀՀ կենտրոնական բանկի ու ՀՀ ֆինանսների նախարարության հետ համատեղ հիփոթեքային շուկայում իրականացվող սոցիալական նշանակություն ունեցող հիփոթեքային վարկավորման ծրագրերում (ներառյալ «Վերածնունդ» ծրագրի շահառուների) իրականացվել են մի շարք բարելավումներ, որոնց արդյունքում էապես ավելացել է հիփոթեքային վարկավորման հասանելիությունը ոչ միայն լրագրողների, ՏՏ կամ ֆինանսական ոլորտի մասնագետների, այլև շահառուների բոլոր խմբերի համար:

Գերմանիայի ԱԳ նախարար Հայկո Մաասը dpa գործակալությանը տված հարցազրույցում հանդես է եկել ՄԱԿ-ի Անվտանգության խորհրդի բարեփոխման օգտին։

Կանխվել է թմրամիջոցի ապօրինի տեղափոխումը Հայաստան։

Դեկտեմբերի 27-ին, ժամը 12:32-ին «911» ծառայությանն ահազանգ է ստացվել, որ Երևան քաղաքի Ազատության պողոտայի թիվ 25 շենքի մոտակայքում տեղի է ունեցել ՃՏՊ, ավտոմեքենան բախվել է ավտոտնակին, կա տուժած (արգելափակված). անհրաժեշտ է փրկարարների օգնությունը։

Թուրքիայի իշխող «Արդարություն և զարգացում» (ԱԶԿ) կուսակցության խոսնակ Օմեր Չելիքը հայտնել է, որ Սիրիայի հարցով Ռուսաստանի և Թուրքիայի պատվիրակությունների միջև քննարկումները տեղի կունենան Մոսկվայում:

«Մենք ոչ թե նեղում ենք, այլ վարչարարություն ենք իրականացնում: Այսինքն՝ օրենքով սահմանված իրենց պարտավորությունները մարդիկ պետք է կատարեն»:

Դեկտեմբերի 26-ին, ժամը 23.30-ին, Երևանի Իսակովի պողոտայում իրար են բախվել «Լեքսուս» և «Մերսեդես» մակնիշի ավտոմեքենաներ. «Մերսեդես»-ի 50-ամյա վարորդ Էդվարդ Քոչարյանը և 43-ամյա ուղևոր ՆվերՄելքոնյանը տեղում մահացել են, իսկ նույն մեքենայի 42-ամյա ուղևորուհին և «Լեքսուս»-ից դուրս բերված 2 տղամարդիկ մարմնական վնասվածքներով տեղափոխվել են հիվանդանոց:

ՀՀ բնապահպանության նախարարի պաշտոնակատար Էրիկ Գրիգորյանն արդեն ինքնաբացարկի դիմում է ներկայացրել: Այսօր կառավարության նիստից հետո նա լրագրողների հետ զրույցում նշեց, որ հակված է շարունակել աշխատանքը կառավարությունում:

ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ դեկտեմբերի 27-ին՝ ժամը 15:00-ի դրությամբ, Տաշիրի, Աշոցքի, Ախուրյանի, Արթիկի, Ապարանի, Ստեփանավանի տարածաշրջանների ավտոճանապարհներին և Արտաշավանի ճանապարհահատվածում ձյուն է տեղում:

«Սփյուռքի նախարարությունն արդեն իսկ սահմանված կարգով ներկայացրել է իր մտահոգությունները, առաջարկություններն ու դիտողությունները, դրանք ներկայացնելով արդարադատության նախարարությանը»,- այսօր կառավարության նիստից հետո լրագրողների հետ զրույցում հայտարարեց ՀՀ սփյուռքի նախարարի պաշտոնակատար Մխիթար Հայրապետյանը:

Դեկտեմբերի 27-ին հյուսիսային շրջաններում, 28-ին կենտրոնական շրջաններում սպասվում են ձյան առատ տեղումներ, բուք, ցածր հորիզոնական տեսանելիություն, ճանապարհներին` մերկասառույց:

Հայաստանի Հանրապետության ազգային անվտանգության ծառայությունը, 2018 թ. դեկտեմբերի 21-ին, ՀՀ քաղաքացուց հաղորդում է ստացել այն մասին, որ ՀՀ ոստիկանության աշխատակիցն իրենից առանձնապես խոշոր չափերի՝ մոտ 700 ԱՄն դոլար գումար-կաշառք է պահանջել՝ ոստիկանությունում ստացված բողոքի ընթացքն իր օգտին լուծելու դիմաց:

«Հաշվի առնելով արտահերթ խորհրդարանական ընտրությունների ժամանակ ստացած մեր քվեները` ՀՀԿ-ն երկրի 4-րդ քաղաքական ուժն է, իսկ եթե այն զարգացումները, որոնց մասին մենք զգուշացնում էինք, տեղի ունենային հենց ընտրարշավի ընթացքում` թանկացումներ, արտաքին պարտքի կես միլիարդով ավելացում, օպտիմալացման այս չմտածված ու ինքնանպատակ ձևը, թերևս, պատկերն այլ լիներ»:

Հայաստանի առաջատար գրոսմայստերներ Լևոն Արոնյանի և Գաբրիել Սարգսյանի կողմից 2012 թվականին Երևանում  հիմնած շախմատի դպրոցը, որի նպատակն էր՝   աջակցել 10-18 տարեկան պատանիների և աղջիկների շախմատային զարգացմանը, նպաստել շախմատի տարածմանը, խնդրի առջև է կանգնել, դադարեցվել է պետության կողմից  ֆինանսական աջակցությունը:

Աշխատանքային այցով Մոսկվայում գտնվող Հայաստանի Հանր ԱԳ նախարարի պաշտոնակատար Զոհրաբ Մնացականյանը հանդիպում է ունենում իր գործընկերոջ՝ Ռուսաստանի ԱԳ նախարար Սերգեյ Լավրովի հետ:

ՀՀ տրանսպորտի, կապի և ՏՏ նախարարի պաշտոնակատար Հակոբ Արշակյանն այսօր ինքնաբացարկի դիմում կներկայացնի և կհրաժարվի պատգամավորական մանդատից: Այսօր կառավարության նիստից հետո լրագրողների հետ զրույցում Արշակյանը նշեց, որ դեռ վերջնական որոշում չկա՝ արդյոք ի՞նքն է լինելու նոր ստեղծվելիք Բարձր տեխնոլոգիաների և ռազմարդյունաբերության նախարարության ղեկավարը:

Դեկտեմբերի 27-ին մի շարք պայթյուններ են որոտացել Բաղդադի հատուկ հսկվող «կանաչ գոտում»՝ Իրաքում ԱՄՆ-ի դեսպանատան մերձակայքում:

ՀՀ վարչապետի պաշտոնակատար Նիկոլ Փաշինյանը աշխատանքային այցով ժամանել է Մոսկվա:

Թուրքիայի նախագահականը կրկին մեջլիսի հայազգի պատգամավոր Գարո Փայլանին անձեռնմխելիությունից զրկելու միջնորդություն է ներկայացրել:

Ազատ ոճի ըմբշամարտի Հայաստանի գավաթի խաղարկության բոլոր հաղթողները հայտնի են: