Անվտանգության խորհրդի քարտուղար Արմեն Գրիգորյանն ընդունել է Հայաստանում Իրանի Իսլամական Հանրապետության արտակարգ և լիազոր դեսպան Սեյյեդ Քազեմ Սաջջադիին:
«Դա դասական PR քայլերից մեկն է, սիմվոլիզմ կա այդ ամենում։ Կարծում եմ՝ այդպիսի միտում կա, փորձում են հրամցնել այն գաղափարը, որ որտեղից սկսել է, այնտեղ էլ կարող է ավարտել, այսինքն՝ նաև ուզում են ցույց տալ, որ իրենք էլ են կարողանում նույն դաշտում, նույն հարթության մեջ խաղալ»:
Ռուսաստանը պատասխան միջոցներ է մշակելու ԱՄՆ-ի կողմից արված ոչ բարեկամական քայլին: Այդ մասին, ինչպես հաղորդել է «Ինտերֆաքս»-ը, հայտարարել Է ՌԴ ԱԽ նախարարության պաշտոնական ներկայացուցիչ Մարիա Զախարովան: «Ռուսական կողմը քանիցս նախազգուշացրել է, որ ուժի դիրքից վերջնագրերի լեզվով խոսելը անօգուտ է ու անհեռանկարային»,- ասել Է Զախարովան օգոստոսի 9-ին Մոսկվայում կայացած բրիֆինգի ժամանակ:
Ազգային ժողովում հուլիսի 27-ին ավարտվեցին ընտրական օրենսդրության բարեփոխումների նպատակով ստեղծված աշխատանքային խմբի քննարկումները: Խորհրդարանում ներկայացված 4 քաղաքական ուժերն ամփոփեցին իրենց առաջարկները և ուղարկեցին Կառավարություն:
Ռուսաստանի դեմ ԱՄՆ-ի նոր պատժամիջոցները կվերաբերեն ամերիկյան մի շարք ապրանքների ու ծառայությունների արտահանմանը, այդ թվում՝ էլեկտրոնիկայի, նավթի-գազի ճյուղի տեխնոլոգիաների մատակարարումներին:
Իրանի նախագահ Հասան Ռոուհանիի վարչակազմի ղեկավար Մահմուդ Վայեզին օգոստոսի 9-ին ուղեւորվել է Թուրքիա՝ Ռոուհանիի ուղերձը փոխանցելու Թուրքիայի նախագահ Թայիփ Էրդողանին: Այդ մասին հայտնել է IRNA գործակալությունը:
Կառավարությունն ընդունեց համապատասխան որոշում, որով սահմանվում է քաղաքացուն այլընտրանքային ծառայության ուղարկելու որոշում կայացնելու լիազորություն ունեցող պետական կառավարման մարմիններ և այլընտրանքային ծառայության հարցերով հանրապետական հանձնաժողովի ներքին գործավարությունն իրականացնելու լիազորություն ունեցող պետական կառավարման մարմին:
Ռուսաստանի արտաքին գործերի նախարար Սերգեյ Լավրովը օգոստոսի 13-14-ին կգտնվի Անկարայում՝ մասնակցելու Թուրքիայի դեսպանների եւ մշտական ներկայացուցիչների խորհրդակցությանը:
Հայաստանի անվտանգության խորհրդի քարտուղար Արմեն Գրիգորյանը հանդիպում է ունեցել սփյուռքի նախարար Մխիթար Հայրապետյանի, տեղակալներ Արամայիս Գրիգորյանի, Բաբկեն Տեր Գրիգորյանի և Դավիթ Սարգսյանի հետ:
Արցախի Հանրապետության Նախագահ Բակո Սահակյանն ստորագրել է հրամանագիր գնդապետ Սամվել Պողոսյանին ԱՀ պաշտպանության բանակի N 19916 զորամասի հրամանատարի առաջին տեղակալ նշանակելու մասին:
ՀՀ կառավարության որոշմամբ՝ Կոտայքի մարզի Հրազդան և Արագածոտնի մարզի Կարմրաշեն համայնքների ղեկավարների արտահերթ ընտրությունները տեղի կունենան հոկտեմբերի 21-ին: Այս մասին որոշումներն ընդունվեցին կառավարության նիստում:
«Զինծառայողների ապահովագրության հիմնադրամ»-ի բոլոր շահառուները, անկախ նրանից, քաղաքում են բնակվում, թե գյուղական վայրում, պատշաճ կարգով կստանան իրենց հասանելիք աջակցությունը:
Կոտայքի ոստիկանները բացահայտել են 2․330․000 դրամի բժշկական սարքավորումների յուրացման դեպք:
Ազգային անվտանգության ծառայության տնօրեն Արթուր Վանեցյանը հերքում է տարածված լուրերը, թե ԱԺ ՀՀԿ խմբակցության պատգամավոր, ՀՀԿ փոխնախագահ, ԿԳ նախկին նախարար Արմեն Աշոտյանին հրավիրել են ԱԱԾ՝ հարցաքննության։
Արցախից կմասնակցեն իր վարչապետության 100 օրվա առթիվ ՀՀ վարչապետ Նիկոլ Փաշինյանի՝ օգոստոսի 17-ին հրավիրած հանրահավաքին:
ՎՏԲ-Հայաստան Բանկն իր սոցիալական պատասխանատվության քաղաքականության շրջանակներում նախատեսում է կրթության ոլորտում անցկացնել հերթական բարեգործական նախագիծը, որը նպատակաուղղված է պետության բարձրագույն ուսումնական հաստատությունների ուսանողներին մոտիվացնել ուսման մեջ ավելի բարձր ցուցանիշների ցուցաբերմանը:
Դատարանն անկախ է, և Հատուկ քննչական ծառայությունը որևէ լծակ չունի դատարանի վրա ազդելու։ Այս մասին այսօր կառավարության նիստից հետո լրագրողների հետ զրույցում հայտարարեց ՀՔԾ պետ Սասուն Խաչատրյանը՝ հակադարձելով Ռոբերտ Քոչարյանի պաշտպանների մեղադրանքներին, որ նա իր հայտարարություններով ճնշում է գործադրում դատավորների վրա։
Իրաքի իշխանությունները ԱՄՆ-ի կողմից Թեհրանի նկատմամբ պատժամիջոցների սահմանումից հետո Իրանի ֆինանսական հաստատությունների հետ կասեցրել են բանկային փոխանցումները:
ԱՄՆ-ի ռազմաօդային ուժերն արագորեն Գերմանիա են տեղափոխել F-22 կործանիչների սավառնակախումբ Ռուսաստանին դիմադարձելու միջոցների շրջանակներում, կործանիչները Եվրոպայում կմնան մի քանի շաբաթ:
«0038 հույժ գաղտնի հրամանի գաղտնազերծելու իրավունքը պատկանում է ՀՀ պաշտպանության նախարարությանը և ՀՀ պաշտպանության նախարարությունն է որոշել, թե ինչ չափով կարող է գաղտնազերծել այդ հրամանը»:
Ցմահ ազատազրկման դատապարտվածը խնդրել է Մարդու իրավունքների պաշտպանի աջակցությունն իր պատշաճ բուժօգնությունը և անհրաժեշտ վիրահատությունը կազմակերպելու համար:
Պաղեստինի նախագահ Մահմուդ Աբասը բոլոր մակարդակներով ակտիվացրել է միջազգային շփումները՝ Գազայի հատվածում ընթացիկ լարվածությունն շտապ կարգավորելու համար:
«Երևան» հիմնադրամում վատնումների հետ կապված ուսումնասիրությունը շարունակվում է։ Ինչպես այսօր կառավարության նիստից հետո լրագրողներին հայտարարեց Ազգային անվտանգության ծառայության տնօրեն Արթուր Վանեցյանը, Ֆինանսների նախարարության համապատասխան ստորաբաժանումը նախնական հաշվարկել է վատնումների չափը։
Օգոստոսի 7-ին, ժամը 1.20-ին, հիվանդանոցից ոստիկանության Տարոնի բաժնում հաղորդում է ստացվել, որ «ձախից կրծքավանդակի հետին պատի կտրած-ծակած» վերքով բուժօգնության է դիմել 1997 թ. ծնված Հրայր Շ.-ն և հայտնել, որ վնասվածքը ստացել է Տիգրան Մեծի պողոտայի թիվ 43 տան բակում վիճաբանության հետևանքով:
«Մարտի 1-ի գործը նորից քննվում է՝ իր բոլոր հանգամանքներով»,- այսօր կառավարության նիստից հետո լրագրողներին հայտարարեց ՀՔԾ պետ Սասուն Խաչատրյանը՝ նկատելով, որ եթե 0038 գաղտնի հրամանը ստանալու ուղղությամբ նախկինում քայլ չի արվել, ապա կասկածներ կան, որ կան այլ փաստաթղթեր և վկայություններ ևս, և այժմ մեծ ծավալի քննչական գործողություններ են կատարվում։
Հայաստանում ռուսական ռազմաբազայի ՃՔԿ (ճառագայթային, քիմիական և կենսաբանական) պաշտպանության զինծառայողները բարձրլեռնային Կամխուդ հրաձգարանում սկսել են պատրաստվել հետևակի երկկողմ մարտավարական դասընթացներին:
Կառավարության նիստերը լուսաբանող լրագրողներն այսուհետև հնարավորություն չեն ունենա նիստերի դահլիճին հարող միջանցքում անցկացնել հարցազրույցներ պաշտոնյաների հետ՝ անվտանգության նկատառումներից ելնելով։
Օգոստոսի 9-ին, ժամը 10:43-ին «911» ծառայության ահազանգ է ստացվել, որ Երևան քաղաքի Արին-Բերդի փողոցի թիվ 12 հասցեում գտնվող «Ուրարտու» արտադրական միավորում ԲԲԸ-ի տարածքում այրվում է էլեկտրական ենթակայան. անհրաժեշտ է օգնություն:
Հատուկ քննչական ծառայության պետ Սասուն Խաչատրյանը հերքում է, որ Արմեն Գևորգյանին մեղադրանք է առաջադրվել «Վիկիլիքսի» նյութերի հիման վրա։ Այսօր կառավարության նիստից հետո լրագրողների հետ զրույցում նա նշեց, որ անձին որպես մեղադրյալ ներգրավելու հիմքը նրա կողմից հանցանքը կատարելու մասին վկայող ապացույցների բավարար համակցումն է։
Թուրքիայի պետական խոշորագույն ռազմարդյունաբերական «Aselsan» ընկերության և Պաշտպանական արդյունաբերության վարչության միջև ստորագրվել է 37.6 մլրդ դոլար և 214.9 մլն թուրքական լիրա արժողությամբ 2 նոր պայմանագիր:
