6 ամսում 10 տոկոսով աճել է զբոսաշրջության ցուցանիշը
Ընթացիկ տարվա վեց ամսում Հայաստան այցելած զբոսաշրջիկների թիվն աճել է 10.2 տոկոսով՝ համեմատած նախորդ տարվա նույն ժամանակահատվածի հետ:
Այս են վկայում Ազգային վիճակագրական կոմիտեի տվյալները: 2018 թվականի հունվար-հունիսին Հայաստան է ժամանել 685 հազար 971 զբոսաշրջիկ՝ 2017-ի հունվար-հունիսի 622 հազար 381 զբոսաշրջիկի փոխարեն: Այս նույն ժամանակահատվածում Հայաստանից մեկնել է 610 հազար 950 զբոսաշրջիկ, ինչը 7.1 տոկոսով ավելի է նախորդ տարվա ցուցանիշից:
