Ինչու է լռում «Ծառուկյան» խմբակցությունը. factor.am
ՀՀ երկրորդ նախագահ Ռոբերտ Քոչարյանի կալանավորման վերաբերյալ հայտարարություններով են հանդես եկել Ազգային ժողովի «Հանրապետական» և «Հայ Հեղափոխական դաշնակցություն» խմբակցությունները։ Առայժմ Ռոբերտ Քոչարյանի կալանավորման վերաբերյալ որեւէ հայտարարություն չի արել «Ծառուկյան» դաշինքը։ Թե ինչպիսին է դաշինքի տեսակետը՝ Factor.am-ը փորձել է պարզել ԱԺ «Ծառուկյան» խմբակցության պատգամավոր Իվետա Տոնոյանից։ Նա նշել է, որ խմբակցությունը կատարվածի վերաբերյալ չի պատրաստվում հայտարարությամբ հանդես գալ․
«Խմբակցության առանձին պատգամավորներ կարող են արտահայտել իրենց տեսակետը, սակայն, «Ծառուկյան» խմբակցության անունից մենք այս պահին հայտարարությամբ հանդես գալ չենք պատրաստվում․ օրակարգում այդ հարցը դրված չէ։ Առհասարակ, կարծում ենք, որ սա իրավական գործընթաց է, ուստի, պետք է սպասել այդ գործընթացի արդյունքներին։ Այս փուլում ձեռնպահ կմնանք հայտարարություններից»,-ասել է պատգամավորը։
Ամբողջությամբ՝ սկզբնաղբյուր կայքում:
