Լևոն Հայրապետյանը միացավ «Ալաշկերտին»
Հայաստանի ֆուտբոլի առաջնության գործող չեմպիոն Երևանի «Ալաշկերտը» շարունակում է համալրել կազմը:
Բարձրագույն խմբի մեկնարկից և Եվրոպայի լիգայի որակավորման փուլից առաջ թիմին է միացել Հայաստանի ազգային թիմի պաշտպան Լևոն Հայրապետյանը:
29-ամյա ձախ եզրայինը նախկինում հանդես է եկել գերմանական «Համբուրգի» երկրորդ թիմում, լեհական «Լեխիայում» և «Լոձում», չեխական «Պրիբրամում», իրանական «Փայքանում» և Երևանի «Փյունիկում»:
Լևոն Հայրապետյանը ներկայացրել է Հայաստանի Մ-19 (3 խաղ) և Մ-21 (6 խաղ, 1 գոլ) հավաքականները, 1 գոլ է հեղինակել Հայաստանի ազգային հավաքականի կազմում անցկացրած 39 հանդիպումներում` գրավելով ԱՄԷ-ի թիմի դարպասը
