Ռուբեն Սահակյանը կոչ է անում հրապարակել քրեական գործի նյութերը
ՀՀ երկրորդ նախագահ Ռոբերտ Քոչարյանի պաշտպան Ռուբեն Սահակյանն այսօր լրագրողների հետ հանդիպմանն առաջարկեց՝ տեսնելու համար՝ ով է ճիշտ և արդյոք իրենք հերյուրանք չեն տարածում, կոչ անել նախաքննական մարմնին հրապարակել քրեական գործի նյութերի որոշ հատված։
«Ի տարբերություն մեզ՝ պաշտպաններիս, նախաքննական մարմինն իրավունք ունի հրապարակել քրեական գործի նյութերի որոշ հատված, որն ինքը նպատակահարմար կգտնի»,- ասաց Ռ.Սահակյանը՝ որպես օրինակ նշելով՝ խափանման միջոց ընտրելու այն որոշումը, որը 2 օր քննարկվում էր դատարանում և կից փաստաթղթերը։
Ըստ նրա՝ այդտեղ կերևա, որ գործի նյութերը թաքցրել են։
