«Դա հնարավոր է». Ագուերոյի հայրը՝ որդու՝ «Բարսելոնա» տեղափոխության մասին
Տրանսֆերային շուկայում նոր հայր է հայտնվել: «Մանչեսթեր Սիթիի» հարձակվող Սերխիո Ագուերոյի հայրը՝ Լեոնել Դել Կաստիլիասը, ակնարկել է, որ իր տղան կարող է տեղափոխվել կատալոնական ակումբ:
««Բարսելոնա՞»: Դա հնարավոր է, շատերը նոր մրցաշրջանում կփոխեն ակումբները:
Ամեն անգամ, երբ ես խոսում եմ նրա հետ, Սերխիոն ասում է, որ կվերադառնա «Ինդիփենդիենտե», բայց չգիտի՝ երբ»,- Կաստիլիասին է մեջբերում Ole-ն:
Ագուերգոն մի քանի անգամ հայտարարել է, որ կավարտի կարիերան հարազատ արգենտինական ակումբում: Սերխիոյի պայմանագիրը «Մանչեսթեր Սիթիի» հետ նախատեսված է մինչև 2020 թվականը:
Պատրաստեց Անի Գաբուզյանը
