«Արսենալն» ամռանը կփորձի ստորագրել «Յուվենթուսի» պաշտպանին
«Յուվենթուսի» պաշտպան Դանիելե Ռուգանին ամռանը կարող է տեղափոխվել լոնդոնյան ակումբ: Ընթացիկ մրցաշրջանում Ռուգանին բավարար խաղաժամանակ չի ստանում Թուրինում և խաղացել է Սերիա Ա-ի ընդամենը 17 հանդիպումներում:
Այնուամենայնիվ, Դանիելեի տաղանդին հավատում են «Արսենալում» և ուզում են տեսնել նրան իրենց թիմում: Ինչպես հաղորդում է TRANSFERmarketWEB-ը, «Զինագործները» կփորձեն ստորագրել 23-ամյա պաշտպանին ընթացիկ մրցաշրջանի ավարտից հետո:
Ըստ աղբյուրի տեղեկության՝ ֆուտբոլիստի ծառայություններով հետաքրքրված է լոնդոնցիների գլխավոր մարզիչ Արսեն Վենգերը, ով, ինչպես երևում է, կմնա իր պաշտոնում նաև հաջորդ մրցաշրջանում:
Պատրաստեց Անի Գաբուզյանը
