Սիրիայում ԱՄՆ-ի ու նրա դաշնակիցների գործողությունն ազդանշան է ՌԴ-ի և Իրանի համար. Ստոլտենբերգ
ՆԱՏՕ-ի գլխավոր քարտուղար Ենս Ստոլտենբերգը Սիրիայում ԱՄՆ-ի, Մեծ Բրիտանիայի ու Ֆրանսիայի գործողությունը հստակ ազդանշան է համարել Ռուսաստանի եւ Իրանի համար: Այդ մասին, ինչպես հաղորդել է ՏԱՍՍ-ը, դաշինքի գլխավոր քարտուղարն ապրիլի 16-ին հայտարարել է NTV հեռուստաալիքի եթերում՝ Անկարա այցի ժամանակ:
«Գործողությունը հստակ ազդանշան էր սիրիական ռեժիմին աջակցող Ռուսաստանի եւ Իրանի համար: Դա նաեւ ուղղված էր այն բանին, որ նվազեցնի Դամասկոսի կարողությունը քիմիական զենքի օգտագործման հարցերում, որի հետաքննությանը Ռուսաստանը խոչընդոտում էր ՄԱԿ-ի Անվտանգության խորհրդում»,-ասել է նա: ԱՄՆ-ը, Մեծ Բրիտանիան եւ Ֆրանսիան ապրիլի 14-ի առավոտյան հրթիռահարվածներ են հասցրել Սիրիայի կառավարական օբյեկտներին, որոնք, նրանց կարծիքով՝ օգտագործվում են քիմիական զենքի արտադրության համար: Սիրիայի վրա արձակվել է ավելի քան 100 հրթիռ:
