ԱՄՆ-ը, Մեծ Բրիտանիան և Ֆրանսիան հրթիռային հարվածներ սկսեցին Սիրիայի դեմ. սիրիական կողմում կորուստներ չկան
Միացյալ Նահանգները, Մեծ Բրիտանիան և Ֆրանսիան ապրիլի 13-ի գիշերը Սիրիայի դեմ ռազմական գործողություն են սկսել՝ այդ երկրին հրթիռային հարվածներ հասցնելով: Ռազմական գործողության սկսման պատճառ է դարձել ապրիլի 7-ին Դումա քաղաքում տեղի ունեցած միջադեպը, որտեղ համաձայն որոշ տեղեկությունների, կիրառվել է քիմիական զենք:
Հարվածների հետևանքով սիրիական կողմում զոհեր չեն գրանցվել: Ինչպես հաղորդում է «Արմենպրես»-ը՝ վկայակոչելով ՏԱՍՍ գործակալությունը, այս մասին ասվում է սիրիական բանակի հրամանատարության կողմից տարածված հայտարարության մեջ:
«Սիրիական տարածքի վրա իրականացված հարվածներից կորուստը սահմանափակվում է միայն նյութական վնասներով»,- ասվում է հայտարարության մեջ:
Ռուսաստանի Դաշնության պաշտպանության նախարարությունից հայտնել են, որ Դամասկոսից արևելք գտնվող Դումեյր օդանավակայանի վրա 12 հրթիռ է արձակվել, որոնք բոլորն էլ կործանվել են Սիրիայի հակաօդային պաշտպանական համակարգերի միջոցով:
Հայտնի է, որ Սիրիայի նախագահ Բաշար Ասադը ժամանել է Դամասկոսում իր նստավայր:
Նիդերլանդների վարչապետ Մարկ Ռյուտեն ԱՄՆ, Մեծ Բրիտանիայի և Ֆրանսիայի կողմից հարվածների հասցնումը համաչափ է անվանել: Դանիան ևս հայտարարել է, որ սատարում է իր գործընկերների գործողություններին: Դանիայի արտգործնախարար Անդերս Սամուելսենը նշել է, որ քիմիական զենքի կիրառումը պետք է իր հետևանքներն ունենա:
Թուրքիայի ԱԳՆ-ից էլ հայտնել են, որ բավարարված են ԱՄՆ և նրա դաշնակիցների գործողություններով:
Գործողություններին իրենց աջակցությունն են ցուցաբերել նաև Չեխիան, Նոր Զելանդիան:
#Damascus resident reported seeing "air defence missiles fired from direction of #Mazzeh airbase". She's not sure whether airbase had been hit.
Meanwhile, early reports indicating #Dumair Airbase had also been hit.— Riam Dalati (@Dalatrm) April 14, 2018
Décollage, cette nuit, des forces armées françaises qui interviennent contre l’arsenal chimique clandestin du régime syrien. Déclaration du Président de la République @EmmanuelMacron : https://t.co/HNSK0FmZIO pic.twitter.com/DEAW7R50aC
— Élysée (@Elysee) April 14, 2018
