
Թուրքիային վստահում է գերմանացիների միայն 5 տոկոսը

Գերմանիացիների միայն 5 տոկոսն է համարում, որ Թուրքիան վստահելի գործընկեր է։ Այս մասին հայտնի է դարձել գերմանական «ARD» հեռուստառադիոընկերության և «Die Welt» թերթի պատվերով անցկացված հետազոտության արդյունքում։
Նշվում է նաև, որ 2017թ․ հուլիսին անցկացված նմանատիպ հարցումների ժամանակ Թուրքիան վստահելի երկիր էր համարել գերմանացիների միայն 3 տոկոսը։
Sputnik Türkiye-ի հաղորդմամբ՝ ուսումնասիրության համաձայն՝ Գերմանիայի բնակչությունն ամենից շատ վստահում է Ֆրանսիային (92%)։ ԱՄՆ-ին վստահում է գերմանացիների 28 տոկոսը, իսկ Ռուսաստանին՝ 26 տոկոսը։