Արոնյանը կրկին ոչ-ոքի խաղաց Բադեն-Բադենի մրցաշարում
Հայկական շախմատի առաջատար, աշխարհի գործող գավաթակիր Լևոն Արոնյանը կրկին կիսեց միավորը:
Գերմանական Բադեն-Բադեն քաղաքում ընթացող «Grenke Chess Classic» մրցաշարի 5-րդ տուրում Արոնյանը խաղում էր Ֆրանսիայի ներկայացուցիչ Մաքսիմ Վաշիե-Լագրավի հետ: Պարտիայի 36-րդ քայլին կողմերը համաձայնեցին կիսել միավորը:
Այս տուրից հետո Արոնյանը 3 միավորով կիսում է 4-5-րդ տեղերը: Առաջատարները 3,5 միավորով Լագրավը, Կարուանան, Վիտյուգովն են:
