«Հաչող շունը չի կծում». Վահրամ Բաղդասարյանը՝ Նիկոլ Փաշինյանին
Այսօր Ազգային ժողովում «Ելք» խմբակցության ղեկավար Նիկոլ Փաշինյանը, Հրայր Թովմասյանին՝ Սահմանադրական դատարանի նախագահ նշանակելու հարցի քննարկման ժամանակ, անդրադարձավ ՀՀ նախագահ Սերժ Սարգսյանի հարցազրույցին:
Նա հայտարարեց, որ Ս. Սարգսյանն իր հարցազրույցով ազդարարեց «ստահոդ պետության» ստեղծման մասին: «Հրայր Թովմասյանը գործուղվում է ՍԴ և դառնում դրա նախագահը, որպեսզի լինի այս ստահոդ պետության պահապան շունը»,- հայտարարեց Ն. Փաշինյանը:
Հանրապետական խմբակցության ղեկավար Վահրամ Բաղդասարյանն իր ելույթում անդրադարձավ Ն. Փաշինյանի ելույթին. «Քանի որ կենդանական աշխարհից օրինակներ բերվեց, մի ժողովրդական ասացվածք կա՝ հաչող շունը չի կծում»:
