Ինչպե՞ս Lenovo-ն ավելացրեց նոթբուքերի վաճառքը (լուսանկար)
Չինարենում գոյություն ունի մի հասկացություն, որը կոչվոմ է Ֆու-պան։ Ֆու-պանը չինարենում շախմատի տերմին է, որը նշանակում է, որ խաղացողը կրկնում է իր պարտիան՝ ընթացքում վերլուծելով քայլերի թույլ և ուժեղ կողմերը։
Նման ռազմավարություն կիրառում է նաև Lenovo ընկերությունը։ Երբ Հնդկաստանում դուրս է գալիս Lenovo Yoga Նոթբուքը, վաճառքն այդքան էլ գոհացուցիչ չի լինում։ Նշեմ, որ Lenovo Yoga-ն հնարավոր է 360 աստիճան թեքել։ Ղեկավարությունը ոչինչ չէր հասկանում, քանի որ բոլոր վաճառակետերում նոթբուքերն առկա էին, ապրանքը հոյակապ դիզայն ուներ, գինը մրցունակ էր, բայց վաճառքը՝ թույլ։
Անցնում են Ֆու-պանին, այսինքն իրենց քայլերը սկսեցին հատ-հատ վերլուծել ու վերահսկել։ Պահեստից մինչև վաճառակետ սկսեցին վերլուծել ապրանքի հետ կապված բոլոր գործառույթները։ Պարզվեց մի հետաքրքիր բան, որ նոթբուքերը վաճառակետերի դարակներում դրված էին ծալած-փակած վիճակում և Հաճախորդները չէին տեսնում ապրանքի յուրահատկությունը՝ նրա դիզայնը, և չէին դիպչում, բացում, հետաքրքրվում։
Մարքեթինգի թիմը՝ Ամար Բաբուի գլխավորությամբ, որոշում է փոխել նոթբուքերի դասավորությունը, և նկարներն արդեն նշել եմ, թե ինչ դիրքով են դարակներում դասավորել։ Հաճախորդներին իսկապես գրավել էր նման ձև դասավորությունն ու վաճառքը սկսել էր ավելանալ շնորհիվ նրա ճիշտ ու գրավիչ դասավորության։
* * *
Նյութի աղբյուրը՝ «100 բիզնես գաղտնիքներ» գրքի հեղինակ, Infum.net ու tutkryto.su կայքերի համահիմնադիր Վահագն Դիլբարյանի ֆեյսբուքյան էջ։
Կարդացեք նաև՝ Գովազդային տեքստերում թվեր գրելու 16 կանոն
