Ավտոմեքենաներ և բենզին՝ համաշխարհային առևտրի չեմպիոնները
Համաշխարհային տնտեսական ֆորումը ներկայացրել է համաշխարհային մասշտաբով ամենից շատ արտահանվող ապրանքների ցանկը։
Նշենք, որ տվյալ դեպքում կապ չունի՝ արտահանո՞ւմ, թե՞ ներմուծում, քանի որ նույն ապրանքի արտահանումը մի երկրի կողմից ներմուծում է մյուսի (մյուսների կողմից)։
Ցանկի առաջին տեղում ավտոմեքենաներն են. 2016 թվականին միջազգային առևտրում վաճառված մեքենաների ընդհանուր արժեքը կազմել է 1 տրլն 350 մլրդ դոլար, որը համաշխարհային առևտրի 4.9%-ն է։
Երկրորդ տեղում բենզինն է՝ 825 մլրդ դոլար կամ 3%։ Երրորդ տեղում ինտեգրալ սխեմաներն են՝ 804 մլրդ դոլար (ընդհանուրի 2.9%-ը)։
Ցանկի առաջին տասնյակում են նաև ավտոպահեստամասերը, համակարգիչները, դեղորայքը, ոսկին, հում նավթը, հեռախոսները և հեռարձակման համար նախատեսված սարքավորումները։
