Հնդկական կրող հրթիռն ուղեծիր է դուրս բերել 31 արբանյակ
Հնդկաստանի տիեզերական հետազոտությունների կազմակերպությունը հունվարի 12-ին երկրաշուրջ ուղեծիր է դուրս բերել 31 արբանյակ։
Հնդկաստանի տիեզերական գործակալության հաղորդագրության համաձայն՝ հրթիռի հիմնական եւ ամենախոշոր բեռը դարձելէ Cartosat-2 շարքի հնդկական արբանյակը՝ 710 կիլոգրամ քաշով՝ Երկրի մակերեւույթի դիտարկումների համար: Ապարատը դարձել է հարյուրերորդ հնդկական արբանյակը տիեզերքում:
PSLV-ն ուղեծիր է դուրս բերել եւս երկու հնդկական ապարատ, ինչպես նաեւ 28 արբանյակ վեց այլ երկրներից՝ Մեծ Բրիտանիայից, Կանադայից, ԱՄՆ-ից, Ֆինլանդիայից, Ֆրանսիայից եւ Հարավային Կորեայից՝ 630 կիլոգրամ միագումար քաշով, հաղորդել է ՏԱՍՍ գործակալությունը:
