ԱՄՆ-ում դպրոցականը պաշտպան է կանգնել քրոջն ըմբշամարտի մրցման ժամանակ
Սոցիալական ցանցերի օգտատերերն ըստ արժանվույն են գնահատել ամերիկացի տղայի արարքը, որը պաշտպան է կանգնել իր ավագ քրոջը՝ կարծելով, թե նրան ծեծում են: Խոսքն այն տեսանյութի մասին է, որը նկարահանել է Ինդիանայի նահանգի բնակչուհի Թորի Փրենդերգասթը։
Տեսահոլովակում ներկայացված աղջիկն ըմբշամարտի մրցումների էր մասնակցում եւ պետք է մենամարտեր տղայի հետ: Բայց հենց որ գոտեմարտն սկսվել է, եւ մրցակիցը բռնել է աղջկա ոտքից, մրցագորգ է վազել նրա կրտսեր եղբայրը՝ բացականչելով՝ «Ձեռք մի տուր քրոջս»:
Տղային մրցագորգից դուրս են բերել համընդհանուր ծիծաղի եւ ծափողջույնների ներքո: «Օքեյ, սա այն լավագույնն է, որ ես երբեւէ տեսել եմ, դա զիլ էր»,-ասել է հանդիսականներից մեկը, հաղորդել է ՌԻԱ Նովոստին:
