Սաակաշվիլին խոստացել է Պորոշենկոյի թալանածը ետ բերել

Միխայիլ Սաակաշվիլին Կիևում ընթացող հանրահավաքի ժամանակ հայտարարել է, որ Ուկրաինայի համար ամենամեծ պրոբլեմը օլիգարխների իշխանությունն է:

«Մեր թշնամին օլիգարխիան է, կոռուպցիան օլիգարխիայի հետևանք է, դա միջին խավի թշնամին է: Մեր թշնամին օլիգարխիայի ներկայացուցիչ Պորոշենկոն է»,- հայտարարել է Սաակաշվիլին:

Նա նշել է, որ երկրի օլիգարխները «թալանչիներ են, որոնք խլել են ժողովրդի փողերը:

«Մենք բոլորս դրա զոհերն ենք: Մենք չենք թողնի, որ նրանք թալանած փողերով փախչեն, հատ-հատ կմոտենանք ու կհարցնենք, թե ինչու են մեզ թալանել»,- ասել է Սաակաշվիլին:

Նա Ուկրաինայի քաղաքացիներին կոչ է արել տապալել օլիգարխների դիկտատուրան և փոխարենը հաստատել «միջին խավի դիկտատուրա»:

Սաակաշվիլիի խոսքով, ցուցարարների գլխավոր պահանջներից մեկը իմպիչմենտի մասին օրենքի ընդունումն է, որը թույլ կտար վաղաժամկետ դադարեցնել երկրի ղեկավարի լիազորությունները:

«Դա թույլ կտա խուսափել երկրում հեղափոխությունից»,- հայտարարել է նա:

https://www.youtube.com/watch?v=x37qMuZ7yvg