Ատոմ Էգոյանը և Էրիկ Ներսիսյանը պատմում են՝ ինչ ընտրախախտումներ են արձանագրել
Քիչ առաջ Ատոմ Էգոյանը և Էրիկ Ներսիսյանը Դիլիջանից ուղիղ միացմամբ հայտնեցին, որ իրենք արդեն եղել են վեց ընտրատեղամասում, որոշակի ընտրախախտումներ են արձանագրել: Նրանք ցույց տվեցին մի ցանկ, որի վրա նշումներ էր արված, թե քանի հոգի են քվեարկել տվյալ կուսակցության օգտին: Է. Նազարյանը պատմեց, որ մի մարդ նստել էր քվեատուփի մոտ, այդ թղթի վրա նշում էր՝ քանի հոգի են իրենց օգտին քվեարկել, ու այդ մասին հայտնում էր իր կուսակցությանը:
Նրանք ասացին, որ եղել են Իջևանում, Բերքաբերում, Հովքում, Գոշում, Հաղարծինում: Ա. Էգոյանն ասաց, որ իրենց կողմից նշված դեպքը տեղի էր ունեցել Գոշում, բայց նա նկատեց, որ Հաղարծինում ևս շատ խառնաշփոթ վիճակ էր, նրանք շատ տեսանյութեր և լուսանկարներ են արել, որպեսզի հետագայում հրապարակեն:
