ԱՄՆ-ում քաղցած լաման սարսափեցրել է երեխային
ԱՄՆ-ի Թենեսիի նահանգի սաֆարի-պարկի լամաներին երկար կհիշեն Թրեյ Ջենսենը, նրա եղբայրն ու ծնողները: Զբոսանքի ժամանակ նրանց ավտոմեքենայի մոտ են հավաքվել մի քանի սոված կենդանիներ, որոնց ընտանիքը կերակրել է:
Սակայն ուտելուց հետո լամաները բառացիորեն փորձել են խցկվել ավտոմոբիլի խցիկը՝ լրացուցիչ կերի հետեւից: Դա սարսափելի վախեցրել է տղաներից մեկին՝ Թրեյին: Ահից երեխան կծկվել է նստոցի անկյունում եւ սկսել գոռալ ու լաց լինել, իսկ ընտանիքի անդամները սոսկ ծաղրի են ենթարկել որդու վախը:
Այս տխուր տեսահոլովակը, պարզվում է՝ զվարճացրել է YouTube-ի օգտատերերին, շաբաթվա սկզբից այն դիտել են ավելի քան 85 հազար անգամ, հաղորդել է ՌԻԱ Նովոստին:
