Վթար Մոնթե Մելքոնյան փողոցում. «Mercedes»-ը սահել է դեպի դաշտը
Մարտի 3-ին, ժամը 23:22-ին ահազանգ է ստացվել, որ Երևան քաղաքի Մոնթե Մելքոնյան փողոցում տեղի է ունեցել ՃՏՊ՝ ավտոմեքենան դուրս է եկել երթևեկելի հատվածից և շրջվել. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Այս մասին հայտնում է ՀՀ արտակարգ իրավիճակների նախարարությունը։
Պարզվել է, որ «Mercedes E320» մակնիշի 35 SD 335 պետհամարանիշով ավտոմեքենան (վարորդ՝ 1989 թ. ծնված Ա. Ի.) դուրս է եկել ավտոճանապարհի երթևեկելի հատվածից, բախվել արգելապատնեշին և սահել դեպի դաշտը (մոտ 20մ)․տուժածներ չկան:
Փրկարարները հոսանքազրկել են ավտոմեքենան և փակել գազի բալոնի փականը:
