Ոստիկանության Սևանի բաժնի ծառայողների ձեռնարկած միջոցառումների շնորհիվ՝ բնակարաններից մեկում հայտնաբերվել և բերման է ենթարկվել 1984 թ. ծնված Գոռ Հ.-ն:
ՀՀ տրանսպորտի և կապի նախարարությունը տեղեկացնում է, որ հունվարի 26-ին՝ ժամը 17:00-ի դրությամբ, Ջերմուկում, Սարավանում, Գորիսում, Կապանում և Մեղրիում տեղում է ձյուն:
ՀՀ առողջապահության նախարարությունը ՀՀ ԱՆ «Վ.Ֆանարջյանի անվան ուռուցքաբանության ազգային կենտրոնի» և ՀՀ Շիրակի մարզի «Գյումրու ուռուցքաբանական դիսպանսերի» պահանջարկի հիման վրա հատկացրել է «Հայաստան-Արցախ» հիմնադրամի կողմից, որպես մարդասիրական օգնություն ստացված, թանկարժեք հակաուռուցքային Տեմոդար (տեմոզոլոմիդ) դեղը:
«Այնուամենայնիվ, հաճախ պատմությունը քաղաքականացվում է ծառայելով կոնկրետ երկրների կոնկրետ քաղաքական նպատակներին: Այս ամենն արվում է ավելի շատ քաղաքական իշխանություն կոնսոլիդացնելու նպատակով: Ես այստեղ եմ անհնագստություն արտահայտելու, որ պատմության վերանայմանը, պատմության խմբագրմանը հաջորդում են ջանքերը կոնսոլիդացնելու ավելի շատ իշխանություն և մեկ քայլ առաջ կոնսոլիդացնելու կառավարման բռնատիրական մեթոդներ և այս միտումը դուրս է գալիս Եվրոպայի սահմաններից»,- ընդգծեց Ֆարմանյանը:
Օրը ցերեկով 3 տղամարդիկ շենքերից մեկի նկուղում կնոջ նկատմամբ սեռական բնույթի գործողություն են կատարել:
Եվրոպայի Հայկական Միություների Ֆորումի նախագահությունն իր խորին շնորհակալությունն է հայտնում եվրոպահայ և օտարազգի այն լոբիստներին, որոնց օգնությամբ հաջողվեց կասեցնել Ալիևի կողմից երկարատև և հիանալի նախապատրաստած հակահայ բանաձևը: ԵՀՄՖ-ի նախագահ դոկտոր Աշոտ Գրիգորյանն իր հատուկ շնորհակալությունն է հայտնում ԵԽԽՎ-ի սլովակ պատգամավորական խմբին և նրա ղեկավար Օլգա Նախտմաննովային՝ ոչ միայն բանաձևի դեմ քվեարկելու, այլև հարևան երկրների իրենց գործընկերների հետ լուսաբանման աշխատանքներ տանելու և բանաձևի ընդունման կասեցումը կազմակերպելու համար:
Սեյրան Օհանյանի ասուլիսը՝ ուղիղ միացմամբ. «Ա1+»:
Ռուսաստանը հանդես չի եկել նախաձեռնությամբ՝ ընդունել ինչ-որ նոր փաստաթղթեր Լեռնային Ղարաբաղի հակամարտության կարգավորման սկզբունքների մասին: Այս մասին, ինչպես հայտնում է RIA Novosti-ն, այսօր Մոսկվայում 2015 թվականի ՌԴ-ի արտաքին քաղաքականության արդյունքներին նվիրված մամլո ասուլիսի ժամանակ հայտարարել է Ռուսաստանի արտգործնախարար Սերգեյ Լավրովը:
ՌԴ արտգործնախարարի տեղակալ Գրիգորի Կարասինը Մոսկվայում իր իրանցի գործընկերոջ՝ Իբրահիմ Ռահիմպուրի հետ քննարկել է Լեռնային Ղարաբաղի հակամարտությանն առնչվող հարցեր, ասվում է ՌԴ ԱԳՆ-ի հաղորդագրության մեջ, որից մեջբերումներ է կատարում RIA Novosti-ն:
Թուրքիան Իրանին չի համարում իր հակառակորդը: Ինչպես հայտնում է CNN-ը, այդ մասին հայտարարել է Թուրքիայի վարչապետ Ահմեդ Դավութօղլուն:
Բանաձեւերը մեծապես խեղաթյուրում էին Լեռնային Ղարաբաղի հիմնախնդրի պատմությունն ու էությունը եւ անթույլատրելիորեն միջամտում խաղաղ կարգավորման գործընթացին, ինչի մասին են վկայում ԵԱՀԿ Մինսկի խմբի համանախագահների ս.թ. հունվարի 22-ի ու ավելի վաղ արված մյուս հայտարարությունները, ինչպես նաեւ լիագումար նիստում բազմաթիվ պատվիրակների ելույթները:
Ինչպես հաղորդում է The Guardian-ը, Անգլիայի Պրեմիեր լիգայի 23-րդ տուրի խաղում «Սաութհեմփթոնից» կրած տնային պարտությունից հետո հոլանդացի մասնագետ Լուի Վան Գալին առաջարկվել է հրաժարական տալ «Մանչեսթեր Յունայթեդի» գլխավոր մարզչի պաշտոնից:
ՀՀ կենտրոնական բանկը հունվարի 25-ից շրջանառության մեջ է դրել «Վարդան Մամիկոնյան-1625» ոսկե, «Արշակ Ֆեթվաճյան-150», «Ալեքսանդր Բաժբեուկ-Մելիքյան-125» և «Հայաստանի Հանրապետության 25-ամյակ (1991-2016 թթ.)» արծաթե հուշադրամները:
Հունվարի 25-ին, ժամը 00.10-ին, հիվանդանոցից ոստիկանության Կումայրիի բաժնում ահազանգ է ստացվել, որ «սուր էկզոգեն թունավորում շմոլ գազից` հարցականով» ախտորոշմամբ բուժօգնության են տեղափոխվել 1973 թ. ծնված Ռուզան Մ.-ն, 1995 թ. ծնված Հենրիկ Մ.-ն, 1996 թ. ծնված Թամարա Մ.-ն և 1989 թ. ծնված Իշխան Գ.-ն:
«Տեղի ունեցավ Հայաստանի համար շատ կարևոր իրադարձություն այն իմաստով, որ մերժվեց Հայաստանի և Լեռնային Ղարաբաղի Հանրապետության համար շատ վտանգավոր ձևակերպումներ պարունակող Ռոբերթ Ուոլթերի զեկույցի ընդունումը, մի զեկույց, որը կարող էր վտանգել խաղաղ բանակցությունների գործընթացը»:
«Այն, որ մի խայտառակ բանաձև մերժվեց, մյուսն` ընդունվեց, ինչպես բազմիցս նշել եմ, ցույց է տալիս, որ ԵԽ ԽՎ-ում և եվրոպական կառույցներում կան լուրջ խնդիրներ, երբ կոռուպցիոն ռիսկերը ներթափանցում են ԵԽ ԽՎ և այդ կառույցը դարձել է Բաքվի կամ արևելյան շուկայի տաղավարներից մեկը, որտեղ ամեն ինչ գնվում և վաճառվում է»,- նշեց Դավիթ Բաբայանը:
Բժշկական կենտրոնում ծննդկան Մերի Մարգարյանի մահվան դեպքի առթիվ ՀՀ քննչական կոմիտեի Երևանի քննչական վարչության վարույթում քննվող քրեական գործով հունվարի 26-ին մեղադրանք է առաջադրվել «Շենգավիթ բժշկական կենտրոն»-ի մանկաբարձ-գինեկոլոգ Շ.Բախշյանին։
Ռուսաստան Թուրքիայից ներկրվող ապրանքների էմբարգոն կարող է ռուսական շուկայում հանգեցնել սննդամթերքի գնաճի ու հանգեցնել հարաբերությունների սրման ԵՏՄ-ի ներսում, որը չի միացել ռուսական հատուկ միջոցառումներին, ասվում է տնտեսական մոնիթորինգում, որը պատրաստվել է Գայդարի ինստիտուտն ու ՌԴ նախագահին առընթեր գյուղատնտեսության ու պետական ծառայության ռուսական ակադեմիայի կողմից:
ՀՀ արդարադատության նախարարության քրեակատարողական ծառայության սոցիալական, հոգեբանական և իրավական աշխատանքների բաժնի և ՀՀ ԿԱ ոստիկանության անձնագրային և վիզաների վարչության հետ համատեղ իրականացված աշխատանքների արդյունքում 2015թ. հունվարից առ այսօր վաղեմի խնդրի հանգուցալուծման արդյունքում 325 դատապարտյալներ ստացել են նույնականացման քարտեր:
Ուկրաինայում գրիպի համաճարակ է սկսվել: Այս մասին, ինչպես հայտնում է korrespondent.net-ը, այսօր մամլո ասուլիսի ժամանակ հայտարարել է Ուկրաինայի առողջապահության նախարար Ալեքսանդր Կվիտաշվիլին:
BBC-ն ցուցադրել է «Պուտինի գաղտնի հարստությունը» ֆիլմը, որի հեղինակները Ռուսաստանի նախագահ Վլադիմիր Պուտինին անվանում են աշխարհի ամենահարուստ մարդկանցից մեկը, հայտնում է contact.az-ը:
Օրերս Շվեյցարիայում կայացած հանդիպման ընթացքում, որին մասնակցել են ՈՒԵՖԱ-ի անդամ երկրների ֆուտբոլային գերատեսչությունների նախագահներ և գործադիր տնօրեններ, ի թիվս այլ հարցերի լսվել և քննարկվել է ՖԻՖԱ-ի նախագահի կայանալիք ընտրություններում թեկնածու առաջադրված ՈՒԵՖԱ-ի գլխավոր քարտուղար Ջիանի Ինֆանտինոյի ընտրական ծրագիրը («Մանիֆեստը»):
2015 թվականի հունվար-դեկտեմբերին տնտեսական ակտիվության ցուցանիշը (ՏԱՑ) կազմել է 103.1%:
Հունվարի 24-ին, ժամը 3.50-ին, ոստիկանության Երևան քաղաքի վարչության օպերատիվ կառավարման կենտրոնից Տավուշի բաժնում հաղորդում է ստացվել, որ իրենց է զանգահարել Ներքին Կարմիր Աղբյուր գյուղի բուժքույրը և հայտնել, որ 1957 թ. ծնված Ռազմիկ Իսրայելյանին իր տնակում դանակահարել են:
«Շենգավիթ» բժշկական կենտրոնի բժշկուհի Շուշանիկ Բախշյանին այսօր մեղադրանք է առաջադրվել: 168.am-ի հետ զրույցում նրա պաշտպան Ալեքսանդր Սիրունյանն ասաց, որ նրան մեղադրանք է առաջադրվել ՀՀ քրեական օրենսգրքի 130-րդ հոդվածի 2-րդ մասով` բժշկական օգնություն և սպասարկում իրականացնողների կողմից մասնագիտական պարտականությունները չկատարելը կամ ոչ պատշաճ կատարելը, որն անզգուշությամբ առաջացրել է բուժվող հիվանդի մահ:
Քիչ առաջ ԵԽԽՎ լիագումար նիստի ընթացքում պատգամավորները քվեարկեցին բոսնիացի պատգամավոր Միլիցա Մարկովիչի «Ադրբեջանի սահմանամերձ շրջանների բնակիչները միտումնավոր զրկված են ջրից» հակահայկական զեկույցը:
Օդի ջերմաստիճանը հունվարի 27-28-ին կնվազի 8-10 աստիճանով, այնուհետև աստիճանաբար նույնքան կբարձրանա:
Միշտ գիտակցե՛ք, որ հայն ունի երկու հավատք՝ Աստված և Հայաստան: Միշտ գիտակցե՛ք, որ Հայաստանն ավելին է, քան մենք բոլորս: Միշտ գիտակցե՛ք, որ մենք՝ հայերս, սրբազան պարտք ունենք կատարելու Աստծո առջև՝ անընդհատ հզորացնել հայկական բարձրավանդակը՝ կառուցելով մեծ և հզոր, քրիստոնյա Հայաստան:
ՀՀ կրթության և գիտության նախարարությունում տեղի է ունեցել գործակարգավարական խորհրդակցություն, որը վարել է նախարար Արմեն Աշոտյանը: Խորհրդակցության ընթացքում նախարարն անդրադարձել է ՀՀ կառավարության միջնաժամկետ ծախսային ծրագրի կազմման աշխատանքներին ու կրթության ոլորտում նախատեսված անելիքներին:
ՀՀ տրանսպորտի և կապի նախարարությունը տեղեկացնում է, որ հունվարի 26-ին՝ ժամը 14:30-ի դրությամբ, հանրապետության ամբողջ տարածքում առանց տեղումների եղանակ է:
