ԶԼՄ-ները հայտնել են սիրիական զորքերի կողմից արևելյան Հալեպի մոտալուտ գրոհի մասին
Սիրիական կառավարական զորքերը պատրաստ են մոտ ժամանակներս սկսել վճռական գործողություն «Ջաբհաթ ան-Նուսրայի» ահաբեկիչների դեմ Հալեպի արևելյան նահանգներում, հայտնում է Interfax-ը՝ վկայակոչելով իրանական ԶԼՄ-ներին։
Հաղորդվում է, որ սիրիական ռազմական աղբյուրների տեղեկություններով՝ ահաբեկիչները հրաժարվել են օգտվել կրակի դադարեցումից և լքել Հալեպի արևելյան թաղամասերը, նրանք շարունակում են օգտագործել խաղաղ բնակիչներին՝ որպես կենդանի վահան և թույլ չեն տալիս նրանց լքել քաղաքը։
Աղբյուրը նշել է, որ «բանակային գործողությունը շուտով կսկսվի, թիրախները նախանշված են»։
«Լավ նախապատրաստված ստորաբաժանումները տեղակայված են 9 ուղղություններով և սպասում են հրամանի»,- ԶԼՄ-ները մեջբերում են Սիրիայի զինվորական հրամանատարության խոսքերը։
