Այրող դիմակ ակնեի դեմ
Ակնեն բորբոքված բշտիկների արդյունք է, երբ ծակոտիներն աղտոտվում են ավելորդ յուղով, մեռած բջիջներով կամ բակտերիաներով:
Ինչպե՞ս ազատվել ակնեի սպիներից և բշտիկներից
Ակնեի սպիներից ազատվելն ավելի բարդ է, քան պարզապես ակնեից ազատվելը: Այնուամենայնիվ, անհնարին ոչինչ չկա:
Գուցե որոշ ժամանակ պահանջվի, սակայն կանոնավոր ջանքերի շնորհիվ և բնական միջոցների օգտագործմամբ կարող եք բացացնել ակնեի սպիների տեսանելիությունը, ապա և՝ ազատվել դրանցից ընդմիշտ:
Այրող դիմակ Էբի Սմիթից
Դիմակը, որի բաղադրությունը կներկայացնենք, գործում է աստիճանաբար: Կանոնավոր օտգագործման դեպքում կտեսնեք, թե ինչպես է մաշկի վիճակը լավացել: Բացի այդ, քսուքը նաև կմաքրի կնճիռները:
Բաղադրություն
- Կես թ/գ դարչին
- Կես թ/գ մշկընկույզ
- 1 թ/գ մեղր
- 2 թ/գ թարմ կիտրոնի հյութ
Բոլոր բաղադրիչները խառնեք, որպեսզի խյուսանման զանգված ստանաք:
Խառնուրդը քսեք դեմքին, թողեք մնա 30 րոպե, իսկ եթե չեք կարող հաղթահարել այրոցը՝ պահեք 10 րոպե: Սակայն նշենք, որ այրոց կզգաք դիմակը քսելու միայն առաջին 5 րոպեների ընթացքում: Եթե այրոցն ավելի երկար տևի, ապա անմիջապես լվացեք դեմքը:
Քսուքը քսեք շաբաթական 2 անգամ:
Նյութը հրապարակման պատրաստեց Լիլիթ Հարությունյանը
