Քրքումի և կոճապղպեղի հյութ. հրաշալի հակաբորբոքային միջոց

Կոճապղպեղի և քրքումի հյութը հրաշալի կերպով պայքարում է բորբոքային պրոցեսների դեմ, օգնում է մրսածության և հարբուխի դեպքում, ինչպես նաև պայքարում է ստամոքսաղիքային խանգարումների դեմ:

Ֆիտոթերապիայում կոճապղպեղը համարվում է հրաշալի բուժիչ միջոց, որը հեռացնում է աղիքային գազերն ու հանում է ստամոքսաղիքային տրակտի սպազմերը: Ժամանակակից գիտական հետազոտությունները ցույց են տվել, որ կոճապղպեղը օգնում է սրտխառնոցի, փսխման և գլխապտույտի դեպքում:

Քրքումը, իր հերթին, չնայած հազարավոր տարիների օգտագործմանը, շարունակում է զարմացնել գիտնականներին: Քրքումը խթանում է իմունիտետը, կանխարգելում է անժամանակ ծերացումը, նվազեցնում է քաղցկեղի առաջացման ռիսկը, ինչպես նաև՝ օգտագործվում է օրգանիզմի դետոքսիկացիայի համար:

Քրքումի և կոճապղպեղի հյութն ունի հակաբորբոքային հատկանիշներ, հարուստ է հակաօքսիդանտներով, ինչպես նաև դրական է ազդում իմունային համակարգի վրա:

Բաղադրություն

• Մի փոքր կտոր կոճապղպեղ
• Մի փոքր կտոր քրքումի արմատ
• 1 փոքր կանաչ խնձոր

Բոլոր բաղադրիչներն անցկացրեք հյութաքամիչի միջով և խմեք:

Ուշադրությո՛ւն. Քրոնիկ հիվանդությունների դեպքում այս հյութով բուժումը կարող է վնասել օրգանիզմին: Օգտագործումից առաջ խորհրդակցեք բժշկի հետ:

Նյութը հրապարակման պատրաստեց Լիլիթ Հարությունյանը