Մաքրեք օրգանիզմը տոքսիններից և այրեք ավելորդ ճարպերը

Եթե ցանկանում եք ձեր անձնական դետոքս հյութն ունենալ, ապա հետևեք budetezdorovy կայքի առաջարկած բաղադրատոմսին: Դետոքս ըմպելիքները մաքրում են օրգանիզմը տոքսիններից և այրում են ավելորդ ճարպերը:

Հյութը, որի մասին կխոսենք, իր բաղադրության մեջ ներառում է ձմերուկ, ջուր, կիտրոն կամ լայմ, անանուխ:

Դիտարկենք բաղադրիչներն առանձին

Ձմերուկ– Այն օգնում է ազատվել տոքսիններից, քանի որ պարունակում է ցիտրուլին կոչվող օրգանական միացություն, որը լյարդից և երիկամներից ամիակը դուրս բերող ամինաթթու է համարվում:

Ջուր– Այն մաքրում է տոքսինները և մարսողական համակարգի ավելորդությունները, ինչն էլ լավացնում է լյարդի և երիկամների ֆունկցիան:

Կիտրոն կամ լայմ- Կիտրոնի կամ լայմի հյութը խթանում և կարգավորում է մարսողությունը, ջրիկացնում է լեղին, ինչն էլ օգնում է դրա ազատ տեղաշարժմանը:

Անանուխ– Անանուխի տերևները թարմացնող բաղադրիչ են, որոնք թարմ համ են հաղորդում: Բացի այդ, դրանք լավացնում են լեղու հոսքը: Անանուխը նաև որովայնի մկաններին օգնում է հանգստանալ:

Ի՞նչ է անհրաժեշտ

• 1-2 լ ջուր՝ կախված ըմպելիքի ցանկալի խտությունից
• 1 ձմերուկ
• 1 կիտրոն կամ լայմ
• Մեկ բուռ անանուխի տերևներ
• Սառույց

Ձմերուկը կտրատեք քառակուսիներով, լցրեք տարայի մեջ, ավելացրեք անանուխի տերևները, լայմը և վրան 2 լ ջուր լցրեք: Ամբողջ զանգվածը դրեք սառնարանն ու թողեք մնա մինչև առավոտ: Առավոտյան կարող եք վայելել այս հրաշալի ըմպելիքը:

Նյութը հրապարակման պատրաստեց Լիլիթ Հարությունյանը