Իսլանդիայի նախագահը հրաժարվել է VIP-օթյակից և Ֆրանսիայի հետ խաղը կդիտի երկրպագուների հետ
Գվյուդնի Յոուհանեսոնը սարսափելի մոտ է ժողովրդին:
«Ես կլինեմ երկրպագուների հետ և կհագնեմ հավաքականի մարզաշապիկը: Ինչի համար նստեմ VIP-օթյակում, շամպայն խմեմ, եթե ես դա կարող եմ անել աշխարհի յուրաքանչյուր կետում:
Իսլանդիայի համար այս արդյունքը Եվրո-2016-ում շատ բան է նշանակում: Այն ցույց է տալիս, որ, եթե Դուք Ձեր առաջ նպատակ եք դրել և աշխատում եք այդ ուղղությամբ, և եթե Դուք կարգապահություն ունեք, ապա կարող է պատահել՝ ինչ ասես:
Ֆրանսիայի հավաքակա՞նը: Այն չպետք է թերագնահատի մեզ»,- ասել է Յոուհանեսոնը:
Իսլանդացի պատմաբան և թարգմանիչ Գվյուդնի Յոուհանեսոնը հունիսի վերջին հաղթել է նախագահական ընտրություններում: Նա կսկսի պաշտոնավարությունն օգոստոսի 1-ից:
Իսլանդիայի հավաքականը հուլիսի 3-ին կխաղա Ֆրանսիայի հետ:
Պատրաստեց Անի Գաբուզյանը
