Իգդիր նահանգի մուտքի մոտ տեղադրված հայերեն «Բարի գալուստ» և «Ցտեսություն» գրությունները հեռացվել են
Թուրքիայի Իգդիր նահանգում հեռացվել են հայերեն տառերով «Բարի գալուստ» և «Ցտեսություն» գրությունները, որոնք ամրացված էին Թուզուլջա բնակավայրի մուտքի մոտ, հայտնում է cnnturk.com-ը:
APA գործակալության հաղորդմամբ՝ պատճառը եղել է Իգդիրում բնակվող ադրբեջանցիների դժգոհությունը:
Այն բանից հետո, երբ վերջիններս արտահայտել են իրենց դժգոհությունը, Թուզուլջայի ղեկավարությունը հրշեջ բրիգադի օգնությամբ հանել է հայերենով գրությունները:
Նշենք, որ անցած տարի սեպտեմբերին հայ-թուրքական սահմանի մոտ գտնվող բնակավայրի մուտքի մոտ քաղաքային իշխանությունների նախաձեռնությամբ թուրքերեն, հայերեն, քրդերեն ու անգլերեն լեզուներով տեղադրվել էին «Բարի գալուստ» և «Ցտեսություն» գրությունները:
