«Մոուրինիոյի ամենամեծ պրոբլեմն այն էր, որ նա չափից շատ էր վստահում մեզ». Ֆրանչեսկ Ֆաբրեգաս
«Չելսիի» կիսապաշտպան Ֆրանչեսկ Ֆաբրեգասը արտահայտվել է ընթացիկ մրցաշրջանում թիմի նախկին գլխավոր մարզիչ Ժոզե Մոուրինիոյի հեռացման կապակցությամբ:
«Այս կապակցությամբ շատ բան է ասվել, ընդ որում, շատ սուտ: Ես սիրում եմ Ժոզեին, համարում եմ նրան իմ ընկերը, մենք մինչև հիմա կապ ենք պահպանում:
Դրա համար տհաճ է այդ կապակցությամբ շատ բաներ լսել, բայց ես շարունակում եմ վերաբերվել նրան մեծ հարգանքով:
Մոուրինիոյի ամենամեծ պրոբլեմն այն էր, որ նա չափից շատ վստահում էր մեզ: Նա մեզ ավելի շատ հանգստյան օրեր էր տրամադրում: Մեզ ավելի շատ էր վստահում, բայց թիմը, մենք բոլորս տապալեցինք նրան:
Դա էլ հենց դարձավ գլխավոր պատճառը, թե ինչու նա ստիպված եղավ հեռանալ թիմից, և բոլորիս մոտ, ներառյալ, բնականաբար, նաև ինձ մոտ, շատ տհաճ զգացողություններ են մնացել դրա պատճառով»,- ասել է Ֆաբրեգասը:
Պատրաստեց Անի Գաբուզյանը
