Ռուսաստանը զորավարժություններ է սկսել Ադրբեջանի հետ սահմանին
Դաղստանում տագնապի ազդանշանով երեկ՝ ապրիլի 4-ին, ոտքի են հանվել Հարավային ռազմական օկրուգի առանձին մոտոհրաձգային բրիգադի ստորաբաժանումներ, որոնք զորավարժություններ են անցկացնելու «Դալնի» (Дальний) պոլիգոնում:
Այս մասին հայտնում է «Զվեզդա» հեռուստառադիոնկերությունը՝ հղում կատարելով Հարավային ռազմական օկրուգի մամուլի հաղորդագրությանը:
Զորամիավորումները կանցկացնեն տակտիկական զորավարժություններ: Մանևրներում ներգրավված է մոտ 1000 զինծառայող և 300 միավոր տեխնիկա:
