Պան Գի Մունն Ադրբեջանում կքննարկի ԼՂ հակամարտության հարցը
ՄԱԿ-ի գլխավոր քարտուղար Պան Գի Մունը Բաքվում Ադրբեջանի նախագահ Իլհամ Ալիևի հետ հանդիպմանը կքննարկի Լեռնային Ղարաբաղի հակամարտության հարցը:
Այս մասին Sputnik գործակալության հետ զրույցում հայտնել է Ադրբեջանում ՄԱԿ-ի ներկայացուցչության հասարակայնության հետ կապերի բաժնի պետ Ռուսլան Իսմայիլզադեն:
Նրա խոսքով՝ զրույցի ընթացքում, հնարավոր է, արծարծվի նաև տարածաշրջանում կայուն զարգացման հարցը:
Հիշեցնենք, որ ապրիլի 25-27-ը Բաքվում տեղի կունենա ՄԱԿ-ի քաղաքակրթությունների դաշինքի VII գլոբալ ֆորումը: Հայտնի է, որ ֆորումին նախատեսված է նաև Պան Գի Մունի մասնակցությունը:
Իսմայիլզադեն հայտնել է, որ ՄԱԿ-ի գլխավոր քարտուղարի ադրբեջանական այցի հստակ օրը հայտնի չէ, սակայն հայտնի է, որ Պան Գի Մունն այցելելու է նաև Հայաստան և Վրաստան:
