«Բավարիան» երկարաձգել է պայմանագրերը Ալոնսոյի, Բոատենգի, Մարտինեսի և Մյուլլերի հետ

«Բավարիայի» պաշտպան Ժերոմ Բոատենգը, ինչպես նաև՝ կիսապաշտպաններ Ռոտեն Խավի Ալոնսոն, Խավի Մարտինեսը և Թոմաս Մյուլլերը նոր պայմանագրեր են ստորագրել գերմանական ակումբի հետ:

Մյուլլերի, Բոատենգի և Մարտինեսի նոր պայմանագրերը նախատեսված են մինչև 2021-ը, իսկ Ալոնսոյի պայմանագիրը` մինչև 2017-ը:

Մյուլլերը հանդես է գալիս «Բավարիայի» կազմում 2009-ից, որտեղ անցկացրել է 329 խաղ, խփել է 140 գնդակ և դարձել է 111 գոլային փոխանցման հեղինակ:

Բոատենգը տեղափոխվել է «Բավարիա» 2011-ին, անցկացրել է 200 հանդիպում, խփել է 6 գնդակ և կատարել է 15 արդյունավետ փոխանցում:

Իսպանացիներ Խավի Մարտինեսը և Խավի Ալոնսոն տեղափոխվել են գերմանական գրանդ, համապատասխանաբար՝ 2012 և 2014թթ.: Մարտինեսն անցկացրել է 96 հանդիպում, դարձել է 5 գոլի և 5 ասիստի հեղինակ: Ինչ վերաբերում է Ալոնսոյին, ապա նրա ակտիվում կա 61 հանդիպում, խփած 5 գնդակ և 6 արդյունավետ փոխանցում:

Պատրաստեց Անի Գաբուզյանը