Փակ դռների հետևում տեղի է ունենում Սարգսյան-Ալիև առանձնազրույցը
Ինչպես ավելի վաղ տեղեկացրել էինք, Շվեյցարիայի Բեռն քաղաքում ընթանում է Սերժ Սարգսյան-Իլհամ Ալիև հանդիպումը: Այս կապակցությամբ ԵԱՀԿ Մինսկի խմբի ամերիկացի համանախագահ Ջեյմս Ուորլիքը Twitter-ի իր էջում հերթական գրառումն է կատարել Հայաստանի ու Ադրբեջանի նախագահների հանդիպման մասին ու լուսանկար հրապարակել իր միկրոբոլոգում:
«Սպասում ենք նախագահներ Ալիևի և Սարգսյանի առանձնազրույցը վերջանալուն»,- գրել է Ուորլիքը՝ գրառումը զուգորդելով #Nkpeace հեշթեգով:
Իր հերթին, ՀՀ նախագահի խոսնակ Վլադիմիր Հակոբյանը թվիթերյան իր էջում գրել է, որ նախագահ Սարգսյանի և Ալիևի առանձնազրույցը շարունակվում է փակ դռների հետևում։
