Թուրքիայի ափերի մոտ խորտակվել է ներգաղթյալներ տեղափոխող նավ. կա 18 զոհ
Այսօր գիշեր Բոդրումի ափերի մոտ խորտակվել է անօրինական ներգաղթյալների տեղափոխող նավ, հայտնում է APA-ն՝ հղում կատարելով տեղի ԶԼՄ-ներին:
Դեպքի հետևանքով 18 մարդ մահացել է, 14-ը՝ վերջին պահին փրկվել:
Փրկված մարդկանց տեղափոխել են հիվանդանոցներ: Նրանց վիճակը գնահատվում է որպես ծանր:
Հաղորդվում է, որ ներգաղթյալները եղել են Սիրիայի, Իրաքի ու Պակիստանի քաղաքացիներ, որոնք ցանկացել են Բոդրումից տեղափոխվել Հունաստանի Կալիմնոս կղզի:
