Անընդհատ հոգնածություն զգալու 14 պատճառ

Միշտ «քամված եք» ինչպես կիտրո՞նը: Պրոբլեմը միայն քիչ քնելու մեջ չէ: Կան բազմաթիվ ոչ ակնհայտ պատճառներ, ըստ որոնց` հոգնածության զգացողությունը դառնում է մարդու համար սովորական վիճակ:

1. Դուք բաց եք թողնում մարզումները, երբ հոգնում եք:

Եթե Դուք բաց եք թողնում մարզումը` էներգիայի պահպանման համար, ապա դա իրականում աշխատում է Ձեր դեմ: Կանոնավոր ֆիզիկական վարժությունները բարձրացնում են դիմացկունությունը, ստիպում են սրտանոթային համակարգին ավելի էֆեկտիվ աշխատել և հյուսվածքներին ավելի շատ թթվածին են հասցնում: Այնպես որ, մյուս անգամ, երբ ցանկություն է հայտնվում հոգնած պառկել բազմոցին, գնացեք զբոսանքի:

2. Դուք բավականաչափ ջուր չեք խմում:

Նույնիսկ մի փոքր ջրազրկումը (2 տոկոս նորմայից քիչ) լրջորեն ազդում է օրգանիզմի հնարավորությունների վրա: Ջրազրկումը հանգեցնում է արյան ծավալի փոքրացմանը, որի արդյունքում արյունն ավելի խիտ է դառնում: Սիրտն այդպիսի արյունը չի կարողանում արդյունավետ մղել, քանի որ խիտ արյան արագությունը էականորեն իջնում է: Իսկ ժամանակը, որը անհրաժեշտ է թթվածնին այն բանի համար, որպեսզի հասնի մկաններին և օրգաններին, էականորեն մեծանում է:

3. Դուք քիչ եք երկաթ օգտագործում:

Երկաթի պակասն օրգանիզմում ստիպում է Ձեզ թուլություն զգալ: Հարկավոր է սակավարյունության ռիսկն իջեցնելու համար մեծացնել երկաթի օգտագործումը. ուտել ավելի շատ տավարի միս, լոբեղեն, հավկիթ, ընկուզեղեն: Այս բոլորն ավելի լավ է համատեղել վիտամին C պարունակող մթերքների հետ:

4. Դուք պերֆեկցիոնիստ եք:

Կատարելության հասնելու (որը հնարավոր չէ) անընդհատ ձգտումը ստիպում է Ձեզ ավելի շատ աշխատել, քան հարկավոր է:

5. Դուք ճանճից փիղ եք սարքում:

Երբ Դուք ամեն անգամ փոքր անհաջողությունը մեծ պրոբլեմ եք դարձնում և անընդհատ գտնվում եք անհանգիստ վիճակում, ապա դա կարող է պարալիզացնել

Ձեզ և, ի վերջո, հասցնել լիակատար բարոյական հյուծվածության: Թարմ օդը, մեդիտացիան և ուղղակի զրույցն ընկերոջ հետ կարող են ստիպել Ձեզ այլ կերպ ամեն ինչ պատկերացնել և ձերբազատվել անհանգիստ վիճակից:

6. Դուք բաց եք թողնում նախաճաշը:

Կերակուրը, որն ուտում եք, վառելիք է Ձեր մարմնի համար, և, երբ Դուք քնած եք, Ձեր օրգանիզմը շարունակում է օգտագործել այն, ինչ կերել եք ընթրիքին: Այնպես որ, երբ Դուք առավոտյան արթնանում եք, պետք է նորից «լիցքավորել» նախաճաշը:

7. Դուք օգտագործում եք անառողջ սնունդ:

Բազմաթիվ մթերքներ պարունակում են ավելորդ շաքար և հասարակ ածխածին, որոնք կարող են շատ արագ բարձրացնել Ձեր արյան մեջ շաքարի մակարդակը: Արյան մեջ շաքարի մակարդակի անընդհատ տատանումները կարող են հոգնածություն առաջացնել:

8. Դուք չեք կարողանում «ոչ» ասել:

Մարդիկ, ովքեր ցանկանում են բոլորին գոհացնել, հաճախ գործում են ի վնաս իրենց երջանկության և էներգիայի:

9. Ձեր գրասենյակում անկարգություն է տիրում:

Թափթփված սեղանը հոգեբանորեն քայքայում է Ձեզ:

10. Դուք աշխատում եք առանց արձակուրդի:

Աշխատանքից անջատվելը և իրական հանգստությունը թույլ են տալիս մտքին և մարմնին վերականգնել ուժերը, որից հետո նոր կարելի է վերադառնալ աշխատանքին:

11. Դուք մեկ բաժակ գինի եք խմում քնելուց առաջ:

Սկզբում ալկոհոլը ճնշում է կենտրոնական նյարդային համակարգն ու թուլացնում է մարդուն, բայց վերջնական հաշվում այն հանգեցնում է քնի խանգարմանը:

12. Դուք քնելուց առաջ ստուգում եք էլեկտրոնային փոստը:

Համակարգչի մոնիտորի լույսը կարող է խախտել օրգանիզմի բնական ռիթմը և ճնշել մելատոնինի արտադրությունը, որն օգնում է կարգավորել քնի փուլերը:

13. Դուք օրվա ընթացքում շատ եք կոֆեին ընդունում:

Ոչ մի վատ բան չի պատահի, եթե Դուք խմեք օրը 3 բաժակ սուրճ: Բայց այդ քանակից ավելի օգտագործելը կարող է առաջացնել քնի փուլերի խախտում:

14. Դուք հանգստյան օրերին ուշ եք պառկում քնելու:

Պատրաստեց Անի Գաբուզյանը