Քիմ Քարդաշյանը երկվորյակ կունենա
Vanity Fair ամսագրի շապիկին ռեալիթի շոուի աստղ Քիմ Քարդաշյանի խորթ հոր՝ սեռափոխության ենթարկված Քեյթլին Ջենների հայտնվելուց 1 օր անց Քիմ Քարդաշյանի ընտանիքին մոտ կանգնած աղբյուրը տեղեկացրել է, որ Քիմը սպասում է երկվորյակի, գրում է New York Daily News-ը:
Աղբյուրը տեղեկացնում է, որ Քիմ Քարդաշյանը մի շարք մարդկանց պատմել է, որ արհեստական բեղավորում է իրականացրել, ինչի արդյունքում 2 ձվաբջիջ է բեղմնավորվել:
«Նա սպասում է, որ տեսնի՝ արդյոք այդ երկու ձվաբջիջը կպահպանվեն մինչ իր հայտարարություն անելը:
Նա սպասում է իր բժշկի պատասխանին, որ վստահ լինի՝ արդյոք իր բեղմնավորված բջիջները առողջ են», New York Daily News-ին հայտնել է աղբյուրը:
Ինչպես հայտնել են պարբերականին, այդ տեղեկությունը հայտնի է միայն Քիմի մորը, քույրերին ու ամուսնուն՝ Քանյեին:
