Բան Կի Մունը կոչ է արել անհապաղ դադարեցնել ռազմական գործողությունները Եմենում
Բրիտանական Reuters լրատվական գործակալության փոխանցմամբ՝ ՄԱԿ-ի գլխավոր քարտուղար Բան Կի Մունը երեկ կոչ է արել անհապաղ դադարեցնել ռազմական գործողությունները Եմենում: Դա նրա առաջին կոչն է այն բանից հետո, ինչ Սաուդյան Արաբիայի գլխավորած դաշինքը սկսել է ավիահարվածներ հասցնել շիա ապստամբների դիրքերին:
Բան Կի Մունի խոսքերով՝ Եմենը Մերձավոր Արևելքի ամենաաղքատ երկիրն է, ուր սննդի անվտանգության հարցը դրված է ավելի սուր, քան՝ Աֆրիկայի ամենաաղքատ երկրներում: ՄԱԿ-ի գլխավոր քարտուղարը հայտարարել է, որ ոչ վաղ անցյալում սկսված ռազմական գործողությունները միայն խորացրել են այդ խնդիրները, ինչի համար էլ բոլոր կողմերին կոչ է անում անհապաղ դադարեցնել կրակը Եմենում:
