Ապրիլի 11-ը՝ համաքաղաքային շաբաթօրյակի և ծառատունկի օր
Մայրաքաղաքն ավելի մաքուր և կանաչապատ դարձնելու նպատակով Երևանի քաղաքապետարանը ապրիլի 11-ին մայրաքաղաքի փողոցներում, բակային տարածքներում, այգիներում ու պուրակներում, ինչպես նաև ընդհանուր օգտագործման այլ տարածքներում կիրականացնի համաքաղաքային շաբաթօրյակի և ծառատունկի աշխատանքներ:
Բոլորին հրավիրում ենք միանալ նախաձեռնությանն ու ակտիվորեն մասնակցել համաքաղաքային ծրագրին: Քաղաքապետարանի կողմից կտրամադրվեն տնկիներ և անհրաժեշտ պարագաներ:
Երևանի քաղաքապետարանի տեղեկատվության և հասարակայնության հետ կապերի վարչություն
