Ի՞նչ է տեղի ունեցել «Հիմնադիր խորհրդարանում» ԱԱԾ-ի ներկայացուցիչների ժամանելուց հետո. «Տեսա՝ սրանք ուզում են դուռը կոտրեն…»
Ինչպես հայտնի է՝ այսօր ձերբակալել են «Հիմանդիր խորհրդարանի» մի շարք անդամների, ինչպես նաև առգրավվել են «Հիմնադիր խորհրդարանի» գույքը: Քննչական կոմիտեից հաղորդագրություն է ստացվել, որ «զանգվածային անկարգություններ նախապատրաստելու կասկածանքով կան ձերբակալված անձինք» ապրիլի 24-ին հրապարակային միջոցառումների անցկացման վայրերում զանգվածային անկարգությունների նախապատրաստության դեպքի առթիվ ՀՀ քննչական կոմիտեի ՀԿԳ քննության գլխավոր վարչության վարույթում քննվող քրեական գործի շրջանակներում այսօր ձերբակալվել է 5 անձ։
168.am-ի հետ զրույցում «Հիմնադիր խորհրդարանի» այսօրվա հերթապահ Տիգրան Բոյաջյանը տեղեկացրեց, որ շենքից առգրավվել են այն ամենը, ինչ հնարավոր է եղել՝ գլխարկներ, թռուցիկներ, պաստառներ, երկու համակրարգիչ: «Իրավապահ մարմինները գործեցին ոչ օրենքի սահմաններում: Ես նրանց խնդրեցի, որ եթե համակարգիչը տանեն, մեր գործունեությունը կանգնում է, բայց իրենք տարան, ու հայտնի չէ, թե երբ են վերադարձնելու, տարիների փորձը ցույց է տալիս, որ հնարավոր է՝ նաև չվերադարձնեն»:
Տ. Բոյաջյանը պատմեց, որ առավոտյան 7:30-ի սահմաններում, երբ ինքը քնած է եղել, արթնացել է ձայներից. «Տեսա՝ սրանք ուզում են դուռը կոտրեն, ոտքով հարվածում են, ենթադենք՝ սա իմ տունն է, իրենք ի՞նչ իրավունք ունեն իմ տանը վնաս պատճառեն: Նրանցից ընդամենը մեկը ներակայացավ որպես ԱԱԾ-ի ներկայացուցիչ, մնացածը՝ ծիծաղում էին, չգիտեմ՝ ինչ-որ իրենց համար զվարճալի բան էին տեսել այստեղ:
Ես խնդրեցի գոնե մեկ զանգ փաստաբանին, իրենք թույլ չտվեցին, ինձնից ստորագրություն էին պահանջում, ես ասացի՝ փաստաբանիս ամեն դեպքում տեղյակ պահեմ, ասացին՝ ոչ մի հեռախոսազանգ»:
Մանրմասները՝ 168.am-ի տեսանյութում:
