Վենեսուելայում Զատիկը նշել են Մադուրոյի ու Օբամայի խրտվիլակներն այրելով

France-Presse լրատվական գործակալության փոխանցմամբ՝ վենեսուելացիները Զատիկը նշել են երկրի նախագահ Նիկոլաս Մադուրոյի ու նրա ամերիկացի գործընկեր Բարաք Օբամայի խրտվիլակներն այրելով: Մադուրոյի խրտվիլակն այրել են վենեսուելացի ընդդիմադիրները:

Վենեսուելայում չափազանց ցածր է ներկայիս նախագահի վարկանիշը՝ կապված բարձր ինֆլյացիայի և տնտեսական ծանր իրավիճակի հետ: Մադուրոյի կողմնակիցներն իրենց հերթին որոշել են կրակի մատնել Օբամայի խրտվիլակը:

Վենեսուելայի ու ԱՄՆ-ի հարաբերությունները նախկինի նման չեն առանձնանում ջերմությամբ: Ընդգծվում է, որ Վենեսուելայում, Մեքսիկայում ու Բրազիլիայում Զատկի տոնման ժամանակ ընդունված է այրել Հիսուս Քրիստոսին դավաճանած Հուդայի խրտվիլակը: