Հունաստանը կարող է վերադարձ կատարել դրահմային
Բրիտանական The Telegraph թերթի փոխանցմամբ` Հունաստանի կառավարությունը պատրաստել է բանկային համակարգի ազգայնացման եվրոյի հետ զուգահեռ արժույթի ներդրման վերաբերյալ արմատական պլան: Այս մասին թերթին հայտնել են Հունաստանում իշխող «Սիրիզա» կուսակցության աղբյուրները:
Այդ պլանը կյանքի կկոչվի, եթե Աթենքը չկարողանա ֆինանսական աջակցության ծրագրի շուրջ պայմանավորվել Եվրոպայի հետ: Այդ դեպքում կառավարությունը չի ունենա գումարներ` սոցիալական պարտավորություններն իրագործելու համար:
Թերթը գրում է, որ դա Հունաստանի իշխանություններին կհարկադրի վերադառնալ դրահմային, որը շրջանառությունից դուրս է բերվել 2001 թվականին` եվրոգոտուն միանալուց հետո:
Պլանավորվում է հույների աշխատավարձերն ու թոշակները վճարել հենց դրահմայով: Հունաստանն ընդհանուր առմամբ վարկատուներին պարտք է 320 միլիարդ եվրո:
