Պենտագոնը փորձարկել է իր խոշորագույն հակաբունկերային ավիառումբը
Ամերիկյան The Wall Street Journal պարբերականի փոխանցմամբ` Պենտագոնը փորձարկել է ԱՄՆ-ի զինանոցում առկա խոշորագույն հակաբունկերային ավիառումբը: Այս մասին հայտնել են բարձրաստիճան պաշտոնյաները:
Փորձարկումը նախաձեռնվել է իրանական միջուկային ծրագրի վերաբերյալ բանակցությունների տապալման և դրանից հետո Վաշինգտոնի կողմից ռազմական գործողություններ ձեռնարկելու դեպքում:
Ընդգծվում է, որ տվյալ հակաբունկերային ավիառումբն ունակ է ոչնչացնել կամ շարքից հանել Իրանի տարածքում գտնվող առավել ամրացված միջուկային օբյեկտը:
Պենտագոնն Իրանի միջուկային ծրագրի շուրջ բանակցություններին զուգահեռ շարունակել է արդիականացնել առավել կործանարար զինամթերքի տեսակներից մեկը: Վերջին փորձարկումն իրականացվել էր ընթացիկ տարվա հունվարին: Ռումբը Միսսուրի նահանգում նետվել էր B-2 ռմբակոծչից:
