ԲՀԿ-ն պատասխանում է Ժիրայր Սեֆիլյանին
ԲՀԿ մամուլի քարտուղար Վահան Բաբայանը պատասխանել է Ժիրայր Սեֆիլյանին։ Վերջինս մասնավորապես ասել էր.
«Ես, ըստ էության, առաջնորդում եմ մի շարժում, ոչ թե մի սեփական խանութ, ինչպես որ Ծառուկյանը։ Խանութ էր բացել և խանութպանն էր ինքը ընդամենը, խանութպանին վերացնելով՝ խանութին տեր ես դառնում»։
Վահան Բաբայանի տարածած հաղորդագրության մեջ ասվում է. «Երեկ Շուշիի առանձնակի գումարտակի հրամանատար Ժիրայր Սեֆիլյանն իրեն թույլ է տվել «Բարգավաճ Հայաստան» կուսակցության և կուսակցության նախկին ղեկավարի հասցեին ոչ պարկեշտ ձևակերպումներ։ Ես հատուկ շեշտեցի «Շուշիի առանձնակի գումարտակի հրամանատար», որպեսզի հանրության համար պարզ լինի, թե ինչպես կարող է Արցախյան պատերազմի հրամանատարը, ով այսօր իրեն հռչակել է անհասկանալի ինչ-որ մի շարժման առաջնորդ, արտահայտվի ինչպես խանութի հասարակ մի դռնապան։ Նախապես ներողություն եմ խնդրում բոլոր դռնապաններից, եթե Ժիրայր Սեֆիլյանի հետ համեմատությունն իրենց վիրավորեց»։
