Ինձ հանձնարարվել է Ուկրաինան ներկայացնել աշխարհին, իսկ աշխարհը՝ Ուկրաինային. Սաակաշվիլի
Новости-Грузия լրատվական գործակալության փոխանցմամբ՝ Վրաստանի նախկին նախագահ Միխեիլ Սաակաշվիլին, ով փետրվարին դարձավ Ուկրաինայի նախագահի արտահաստիքային խորհրդական, հայտարարել է, որ իրեն հանձնարարված է Ուկրաինան ներկայացնել աշխարհին, իսկ աշխարհը՝ Ուկրաինային.
«Երբ Պորոշենկոն ստորագրեց այն փաստաթուղթը, թե ես ինչով եմ զբաղվելու, ինձ մոտ այդպիսի մանդատ էր: Նա գրել էր անսովոր ու տարօրինակ, որ Սաակաշվիլին պետք է Ուկրաինան ներկայացնի աշխարհին, իսկ աշխարհը՝ Ուկրաինային»: Սաակաշվիլին հայտարարել է, որ Ուկրաինայում շատ անելիքներ ունի, և որ ինքը փորձում է օգնել այդ երկրի իշխանություններին:
