«Երբ գործընթացն իրավական տեսակետից ընդունված կլինի, ՀՀ-ն պատրաստ է նոր բանակցություններ վարել Թուրքիայի հետ»
«1915-1923թթ. Օսմանյան Թուրքիայում հույների և ասորիների ցեղասպանությունը դատապարտելու մասին» նախագծի քննարկման ժամանակ այսօր ԱԺ-ում ՀՀԿ խմբակցության ղեկավար Վահրամ Բաղդասարյանը հայտարարեց, որ երբ գործընթացն իրավական տեսակետից ընդունված կլինի, ՀՀ-ն պատրաստ է նոր բանակցություններ վարել Թուրքիայի հետ:
Նա նշեց, թե նախագծում տարեթվերը պետք է հանել, քանի որ ցեղասպանությունների շարանը Թուրքիայում սկսվել է 1900-ական թվականներից: Ըստ նրա՝ Հոլոքոստի դեպքում միջազգային հանրությունը գործ ուներ ժողովրդավար Գերմանիայի, հայերի դեպքում՝ «տապոռային» Թուրքիայի հետ, և ճիշտ չէ հայտարարել, որ 123 պետություն ընդունել է Հոլոքոստը, իսկ Հայոց ցեղասպանությունն ընդունել է միայն 23 պետություն:
