Թուրքիայում գոյություն չունի «Քրդական հարց». Էրդողան
Թուրքական Anadolu լրատվական գործակալության փոխանցմամբ՝ Թուրքիայի նախագահ Ռեջեփ Էրդողանն այսօր Կարսում անդրադարձել է «Քրդական հարցի» կարգավորմանը. «Թուրքիայում գոյություն չունի «Քրդական հարց»:
Թուրքիայում կան մեր քուրդ եղբայրներին, ինչպես նաև բոլոր մարդկանց առնչվող խնդիրներ: Մենք անցած 12 տարում փորձել ենք լուծում տալ մեր երկրի էթնիկ ու կրոնական փոքրամասնությունների՝ արաբների, ադրբեջանցիների, լազերի, չերքեզների, հույների, ալբանացիների, վրացիների, բոսնիացիների խնդիրներին:
Այսօր այլևս ոչ մեկն էլ չի գտնվում ճնշման ու սպառնալիքի տակ՝ կապված իրենց ծագման, հավատքի, հագուստի, ապրելակերպի, գաղափարների, խոսքերի հետ: 78 միլիոնին միմյանցից չենք տարանջատում: Բնականաբար, դեռ կան անելիքներ»:
